ޑޭލްޓާ ވޭރިއެންޓް ހަލުއިކޮށް ފެތުރެމުން ދިއުމުގެ ސަބަބުން، ޗައިނާގެ ދަތުރުފަތުރުތަކަށް ހުރަސްއެޅި، އިގްތިސާދީ ހަރަކާތް ވަޅުޖެހެން ފަށައިފިއެވެ. ޗައިނާގެ 32 ޕްރޮވިންސްގެ ތެރޭން ދެބައިކުޅަ އެއްބައި ޕްރޮވިންސްގައި ޑެލްޓާ ވެރިއެންޓް ދަނީ ފެތުރެމުންނެވެ. އަދި 46 ސިޓީއެއްގައި މީހުން ކޮންމެހެން ބޭރަށް ނިކުމެ އުޅެން ޖެހިއްޖެ ހާލަތެއްގައި މެނުވީ ދަތުރުފަތުރު ނުކުރުމަށްވެސް ސަރުކާރުން ވަނީ އަންގާފައެވެ.
ހޭނާން ޕްރޮވިންސްގެ ޖޮންޖޯއަށް އައި ފެންބޮޑުވުމުގެ ސަބަބުން ލިބުނު ގެއްލުންތަކާއި ވައިރަސް ކޮންޓްރޯލް ނުކުރެވުމުގެ ސަބަބުން މިއަހަރުގެ ދެވަނަ ބައިގައި އިގްތިސާދު ކުރިއަށްދާނެ ގޮތާމެދު ޝައކު އުފެދެއެވެ. މީގެ ސަބަބުން ޗައިނާގެ ޖީޑީޕީވެސް 0.7 ޕަސެންޓާއި އެކެއް ޕަސެންޓާ ދެމެދުގެ މިންވަރަކަށް ދަށްވާނެ ކަމަށް ލަފާކޮށްފައި ވެއެވެ.
ވޫހާންގައި ވައިރަސް ދަނީ ބާރަށް ފެތުރެމުންނެވެ. ތިން ސިޓީއެއް ވަނީ އެއްކޮށް ބަންދުކޮށްފައެވެ.
ބުދަ ދުވަހު ސަރުކާރުން ވަނީ ބޭރުގެ ދަތުރުތައްވެސް ހުއްޓުވާފައެވެ. ވެރިރަށް ބެއިޖިންގއަކީވެސް ވައިރަސް ފެތުރޭ ސަރަހައްދެކެވެ.
