އެމެރިކާއާއި އިންޑޮނޭޝިއާ ސިފައިންނާ އެކު ބާއްވާ އެންމެ ބޮޑު އަސްކަރީ ތަމްރީންތައް ފަށައިފިއެވެ. އޮގަސްޓް މަހުގެ 14ވަނަ ދުވަހާ ހަމައަށް ދެމިގެންދާ މިތަމްރީންތަކުގެ މަގްސަދަކީ، ޖަޒީރާތައް ދިފާއުކުރުމަށް ބޭނުންވާ އަސްކަރީ ހަރަކާތްތަކާއި އުކުޅުތަކަށް ސިފައިން ހޭނުމެވެ.
އެމެރިކާއާއި އިންޑޮނޭޝިއާގެ އެތައް ހާސް ސިފައިން ބައިވެރިވާ މިތަމްރީންތައް އޮންނާނީ، ސުމަޓްރާއާއި ކެލިމަންޓާންއާއި ސޫލާވޭސީ އަތޮޅުތަކުގައެވެ.
ގެރޫޑާ ޝީލްޑްގެ ނަމުން ބާއްވާ މިތަމްރީންތަކުގައި އިންޑޮނޭޝީއާއިން 2100 ސިފައިން ބައިވެރިވާނެއެވެ. އަދި އެމެރިކާގެ ދޮޅުހާސް ސިފައިން ބައިވެރިވާނެއެވެ.
އެމެރިކާ ސިފައިން އިންޑޮނޭޝިއާއަށް ދިޔައީ ޖުލައި ފަހުކޮޅުގައެވެ. އެމީހުން ކޮވިޑަށް ޓެސްޓްކޮށްފައި ކަރަންޓީނުކުރިއެވެ.
ޗައިނާއަށް ނުތަނަވަސްކަމެއް ދެނިވިގޮތަކަށް އެމެރިކާއިން ދަނީ ދެކުނު ޗައިނާ ކަނޑާއި އޭޝިއާ ޕެސިފިކްގައި ހަރަކާތްތައް އިތުރުކުރަމުންނެވެ.
އެމެރިކާގެ ނާއިބް ރައީސް ކަމެލާ ހެރިސްވެސް ވަނީ ސިންގަޕޯރއާއި ވިއެޓްނާމަށް މިމަހު ފަހުކޮޅުގައި ވަޑައިގަތުމަށް ނިންމަވާފައެވެ.
