ޗައިނާގެ ކުންފުނިތަކުން އުފައްދާ މުވާސަލާތީ ސާމާނުތައް އެމެރިކާގައި ވިއްކާ މައްސަލައަށް ހައްލެއް ހޯދުމަށް އައު ގާނޫނެއް އެކުލަވާލައިފިއެވެ.، އެމެރިކާ ސެނެޓުގެ މުވާސަލާތާ ބެހޭ ކޮމިޓީން ފާސްކޮށްފައިވާ ބިލް މިހާރު ވަނީ ވޯޓަށް އެހުމުގެ މަރުހަލާއަށް ގޮސްފައެވެ. ކުރިންވެސް އިދާރީ ގަރާރަކުން އެމެރިކާގެ މުވާސަލާތީ ވިއުގައިގައި ޗައިނާގެ ކުންފުނިތަކުން އުފައްދާފައިވާ ސާމާނުތައް ބޭނުން ނުކުރުމަށާއި، އެބާވަތުގެ މުދާ ނުވިއްކުމަށް ވަނީ އެންގިފައެވެ. ނަމަވެސް މިކަން އިތުރަށް ކޮންޓްރޯލް ކުރުމުގެ ގޮތުން އައު ބިލް ވުޖޫދަށް ގެނައީއެވެ.
އެމެރިކާއިން މަނާކޮށްފައިވާ މުވާސަލާތީ ބާވަތްތަކުގެ ތެރޭގައި ވާވޭ ޓެކްނޮލޮޖީގެ އުފެއްދުންތަކާއި ޒެޑްޓީއީ ކުންފުނީގެ އުފެއްދުމާއި ހައިޓެރާ ކޮމިއުނިކޭޝަންއާއި ހައިކްވިޜަންއާއި ޑާހުއާ ޓެކްނޮލޮޖީގެ އުފެއްދުންތައް އެމެރިކާގައި ވިއްކުން މަނާކުރުން ހިމެނެއެވެ.
ސިކިއޯ އިކުއިޕްމެންޓް އެކްޓް 2021 ގެ މަގްސަދަކީ އެމެރިކާގެ މުވާސަލާތީ ވިއުގައަށް ޗައނާއިން ކުރިމަތިވާން ހުރި ނުރައްކާތަކުން ސަލާމަތް ކުރުމަށް އަޅާ ފިޔަވަޅުތައް ހަރުދަނާ ކުރުމެވެ.
