އިންޑިއާއިން އަމިއްލައަށް އުފައްދާފައިވާ މަތިންދާބޯޓު އުފުލާ މަނަވަރު ބާލައިފިއެވެ. ކޮއްޗިން ޝިޕްޔާޑްގައި ބަނދެފައިވާ މަތިންދާބޯޓު އުފުލާ މަނަވަރު ވިކްރަންތު ވަނީ ކަނޑުދަތުރުތައް ފަށާފައެވެ. ސަންސްކްރިތު ބަހުން ވިކްރަންތުގެ މާނައަކީ ހިތްވަރެވެ.
މި މަނަވަރަކީ އިންޑިއާގައި މިހާތަނަށް އުފައްދާފައިވާ އެންމެ ބޮޑު ބޯޓެވެ. މި ބޯޓު ބޭލުމަށްފަހު ހަތަރު ދުވަސްވަންދެން އޭގެ ބަނޑުފިލާތަކާއި އެތެރޭގެ ފަންނީ ސާމާނުގެ މަސައްކަތާއި ކަރަންޓު ވިއުގަ މަސައްކަތް ކުރާ ގޮތް ދިރާސާކޮށް އޭގެ އަޖުމަ ބެލޭނެއެވެ.
މި މަތިންދާބޯޓު އުފުލާ މަނަވަރު ޚިދުމަތަށް ނެރުމަށް ހަމަޖެހިފައި ވަނީ 2022ގައެވެ.
