ދުނިޔޭގައި ގުދުރަތީ ގޭހުގެ އަގު އެއްހާސް ޕަސެންޓަށް މައްޗަށް ހިނގައްޖެކަމަށް ބްލޫމްބާރގް އިން ރިޕޯޓް ކޮށްފިއެވެ. ބްލޫމްބަރގް އިން ބުނާ ގޮތުން އަގު ހެޔޮކޮށް ގޭސް ލިބުނު ޒަމާން މިހާރު ފާއިތުވެ ދިޔައީއެވެ.
ދުނުޔޭގެ ގައުމުތަކުން ސާފު ހަކަތަ ބޭނުން ކުރުމަށް ބޭނުންވާތީއާއި ކާރބަން ބޭރުކުރާ މިންވަރު މަދުކުރުމުގެ އަމާޒަށް ވާސިލުވުމަށްޓަކައި ގުދުރަތީ ގޭސް، ހަކަތަ އުފެއްދުމުގައި ބޭނުން ކުރާ ނިސްބަތް އިތުރުވެގެން ދާނެ ކަމަށް ލަފާ ކޮށްފައި ވެއެވެ.
ޔޫރަޕްގައިވެސް ކޮވިޑް ވަބާގެ ކުރިން ގޭސް ބޭނުން ކުރަމުން އައި ނިސްބަތަށް ވުރެން 7 އިންސައްތަ އިތުރަށް ދެން، ގޭސް ބޭނުން ކުރާނެކަމަށް ވަނީ ލަފާ ކޮށްފައެވެ.
މުޙައްލިލުން ބުނާ ގޮތުގައި ކޯލާ ދެއްޔާއި ތެޔޮ އަންދައިގެން ހަކަތަ އުފެއްދުމުގެ ބަދަލުގައި ގޭސް ބޭނުން ކޮށްގެން ހަކަތަ އުފެއްދުމުން ކުރިއަށް މިއޮތް ފައްތަރުގައި ގެސް ވެގެންދާނީ އިއާދަކުރަނިވި ހަކަތަ ބޭނުން ކުރުން އާންމު ވުމާ މިދޭތެރޭގައި ބޭނުން ކުރާ ވަގުތީ ބަދީލީ ވަސީލަތަކަށެވެ.
ޔޫރަޕްގައިވެސް ގުރުރަތީ ގޭހުގެ އަގު ވަނީ އެއްހާސް ޕަސެންޓަށް އިތުރު ވެފައެވެ. މިއީ މެއި 2020އިން ފެށިގެން އަގު ވެއްޓިފައި އޮތުމަށްފަހު އައި ބަދަލެކެވެ. އަދި އޭޝިއާގައިވެސް މިދިޔަ އަހަރުން ފެށިގެން ގޭހުގެ އަގު މަތި ވަމުން ގޮސް ހަގުނައަށް އަގު ބޮޑުވެފައި ވެއެވެ.
