ރައްޔިތުންގެ މަޖިލީހުގެ ކުރީގެ އަމީން އާންމު އަލްއުސްތާޛު އަޙްމަދު މުޙައްމަދު ޕީޕީއެމް އަށް ސޮއިކުރައްވައިފިއެވެ.
އަހުމަދު މުހައްމަދު ޕީޕީއެމް އަށް ސޮއިކޮށްފައިވަނީ މިއަދު އެ ޕާޓީގެ އޮފީހުގައި ބޭއްވި ރަސްމިއްޔާތެއްގައެވެ. އަހުމަދު މުހައްމަދުގެ ފޯމާ ހަވާލުވީ އިދިކޮޅު ކޯލިޝަން ހިންގެވުމާ މިވަގުތު ހަވާލުވެ ހުންނެވި ޕީއެންސީގެ ރައީސް އަބްދުއްރަހީމް އަބްދުﷲ (އަދުރޭ) އެވެ.
ރައްޔިތުންގެ މަޖިލީހުގެ އަމީން ޢާންމުގެ މަޤާމުން އަޙްމަދު މުޙައްމަދު އިސްތިއުފާ ދެއްވާފައިވަނީ 2018 ވަނަ އަހަރުގެ ފެބްރުއަރީ މަހުގެ 4 ވަނަ ދުވަހުއެވެ.
އަހުމަދު މުހައްމަދު ވަނީ ކުރީގެ ރައީސް މައުމޫންގެ ވެރިކަމުގައި މަދަނީ ކޯޓުގެ އިސް ގާޒީގެ މަގާމު ވެސް ފުރުއްވާފައެވެ.
