މާފުށި ޖަލުގެ އޮފިސަރެއް ކޮވިޑް-19 އަށް ޕޮޒިޓިވް ވެއްޖެއެވެ.
ކޮމިޝަނާ އޮފް ޕްރިޒަންސް އަހުމަދު މުހައްމަދު ރޭ ވިދާޅުވީ މާފުށީ ޖަލުގެ އޮފިސަރެއްގެ ފަރާތުން ކޯވިޑް-19 ގެ އަލާމާތްތައް ފެނިގެން ޓެސްޓުކުރުމުން އޭނާ މިއަދު ޕޮޒިޓިވް ވެފައިވާ ކަމަށެވެ.
އަދި އެ އޮފިސަރު ޕޮޒިޓިވްވުމާ ގުޅިގެން ޖަލުގެ ސަލާމަތާއި ރައްކާތެރިކަމަށްޓަކާ މިރޭ 12 އިން ފެށިގެން މާފުށީ ޖަލު ކުއްލި ހާލަތައް ގެނެވޭނެ ކަމަށް އަހުމަދު ވިދާޅުވިއެވެ. އޭގެއިތުރުން ވަގުތީ ގޮތުން ގައިދީންގެ ހުރިހާ މޫވްމަންޓްތައް މެދުކަނޑާލެވޭނެ ކަމަށްވެސް އޭނާ ވިދާޅުވިއެވެ.
