އަންހެނުންގެ އަގު ވަޒަން ކުރުމުގެ ގޮތުން ސަރުކާރުން ދޭ "ރެހެންދި އެވޯޑު" 14 ފަރާތަކަށް ދީފިއެވެ.
ރޭ އޮތް ރަސްމިއްޔާތުގައި 2020 އަދި 2021 ވަނަ އަހަރު އެވޯޑް ލިބުނު ފަރާތްތަކަށް ވަނީ އެވޯޑް ދީފައެވެ. 2020 ވަނަ އަހަރު އެވޯޑް ލިބިފައިވަނީ ފާތިމަތު އިބްރާހިމް އާއި މަރިޔަމް ޝުނާނާ އާއި އައިޝަތު ހުސައިން މަނިކު އަދި އަމީނާ ނައީމުގެ އިތުރުން ހައްވާ ލަތީފާ އާއި މިންހާ ފާއިޒު އަދި ޝިފްޒާ މުސްތަފާ އަށެވެ.
އަދި މި އަހަރު އެވޯޑް ލިބިފައިވަނީ އަހުމީމާ ލުތުފީ އާއި އައިމިނަތު ޝާހާ ހާޝިމް އާއި ޒީނިއާ އަހުމަދު ހަމީދު އާއި ނާދިޔާ އަބްދުލްޣަފޫރު އާއި ހައްވާ ރާމިޒާ އާއި ސާޖަންޓް ފަސްޓް ކްލާސް ނަސްރީނާ ހަސަން އާއި ޝިޔާމާ އަހުމަދު އަދި ފޮނަދޫ އަންހެނުންގެ ތަރައްގީއަށް މަަސައްކަތް ކުރާ ކޮމެޓީ އަށެވެ.
އެވޯޑުތައް ހަވާލުކޮށްދެއްވީ ރައީސް އިބްރާހީމް މުހައްމަދު ސޯލިހުގެ ދެކަނބަލުންނެވެ.
