އައްޑު ސިޓީން އިތުރު 17 މީހުން ކޮވިޑަށް ޕޮޒިޓިވް ވެއްޖެ އެެވެ.
އައްޑު އިކުއެޓޯރިއަލް ހޮސްޕިޓަލުން ބުނީ އަލަށް ޕޮޒިޓިވް ވެފައިވަނީ 16 ދިވެހީންނާއި ބިދޭސީއެއް ކަމަށެވެ.
އެއީ ހިތަދޫ ފްލޫ ކްމިނިކަށް ޑޮކްޓަރަށް ދެއްކި 3 މީހުންނާއި ޑައިރެކްޓް ކޮންޓެކްޓް ވި 5 މީހުންނާއި މަރަދޫއިން ޑޮކްޓަރަށް ދެއްކި މީހަކާއި ސަވައިލާންސް މީހެކެވެ. އަދި މަރަދޫފޭދޫއިން ޑޮކްޓަރަށް ދެއްކި 3 މީހުންނާއި ސަވައިލާންސް މީހެއް ވެސް ވަނީ ޕޮޒިޓިވް ވެފަ އެވެ.
މީގެ އިތުރުން ފޭދޫއިން ޑޮކްޓަރަށް ދެއްކި 2 މީހަކާއި ފްލޫ ކްލިނިކަށް ދެއްކި މީހެއް ވެސް ހިމެނެ އެވެ.
މިއާއެކު އެ ސިޓީގެ ހިތަދޫގައި 77 ކޭސް، މަރަދޫގައި 23 ކޭސް، މަރަދޫ ފޭދޫގައި 19 އަދި ފޭދޫގައި 123 ކޭސް، މީދޫ ގައި 2 ކޭސް އެބައޮތެވެ.
އައްޑު ސިޓީން މިހައިތަނަށް 1521 ކޭސް ފެނިފައިވާ އިރު، 1274 މީހުން ވަނީ ރަނގަޅުވެފަ އެވެ. އެ ސިޓީން ކޮވިޑު ބަލީގައި މިހައިތަނަށް ނިޔާވީ 3 މީހުން ނެވެ.
