ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ) އިން ޓީޗަރުންނަށް ހަދިޔާ ބަހަން ފަށައިފި އެވެ.
މިއީ ޓީޗަރުން ކުރާ ބުރަ މަސައްކަތުގެ އަގު ވަޒަން ކުރުމުގެގޮތުން ބަހާ ހަދިޔާ އެވެ.
އެސްޓީއޯ އިން ބުނީ މިއަދު ފާހަގަކުރާ ޓީޗަރުންގެ ދުވަހާ ވެސް ގުޅުވައިގެން 13 ސްކޫލަކަށް ގޮސް, އެ ސްކޫލުތަކުގެ ޓީޗަރުންނަށް ހަދިޔާ ބަހާފައިވާ ކަމަށެެވެ. އަދި މާދަމާ ވެސް 3 ސްކޫލަށް ގޮސް ޓީޗަރުންނަށް ހަދިޔާ ބަހަން ނިންމާފައިވާ ކަމަށެވެ.
އެގޮތުން 250 ރުފިޔާގެ ވައުޗަރަކާއި މާބޮނޑިއެއް ދީފައިވާ ކަމަށާއި ޓީޗަރުންނަށް ދޭ ވައުޗަރުން އެސްޓީއޯގެ ކޮންމެ ފިހާރައަކުން ވެސް ވިޔަފާރި ކުރެވޭނެ ކަމަށް އެ ކުންފުނިން ބުނެ އެވެ.
ޓީޗަރުންނަށް ހަދިޔާ ބެހުމުގައި އެ ކުންފުނީގެ މެނޭޖިންގ ޑިރެކްޓަރ ހުސައިން އަމްރު އަމަލީގޮތުން ބައިވެރިވެވަޑައިގަންނަވަ އެވެ.
