އިންޑިއާގެ ގައުމީ އެއަރލައިން، ޓާޓާ އައުލާދުން ގަތުމަށްފަހު މިހާރު މަސައްކަތް ކުރަމުން ގެންދަނީ އެއަރ އިންޑިއާއަށް އައު ސީއީއޯއެއް ހޯދުމުގެ މަސައްކަތެވެ. ރިޕޯޓްތައް ބުނާ ގޮތުން ޓާޓާ އައުލާދުން ބޭނުން ވަނީ ބައިނަލްއަގްވާމީ ވައިގެ ދަތުރުފަތުރުގެ ބާޒާރަށް ލޯހުޅުވިފައިވާ، ބޭރުގެ މާލީ ތަޖުރިބާ ހުރި، ކަމުގެ މާހިރަކު ސީއީއޯގެ މަގާމަށް ހަމަޖައްސާށެވެ.
އެއަރ އިންޑިއާ ޕްރޮމޯޓް ކުރާއިރު ކުއްލި ފައިދާއަކަށްތަކައި އަގުތައް ދަސް ކޮށްލުމަކަށް އައު ކުންފުނިން ބޭނުމެއް ނުވެއެވެ.
ޓާޓާ އައުލާދުން އެއަރ އިންޑިއާ ގަނެފައި ވަނީ ޓާޓާއެންޑް ސަންސްއިން އުފައްދާފައިވާ ސަބްސިޑިއަރީ ކުންފުންޏެއް މެދުވެރިކޮށެވެ. މިޙާރުވެސް ޖޮއިންޓް ވެންޗާއެއްގެ ގޮތުގައި ވިސްޓާރާ އެއަރއާއި އެއަރ އޭޝިއާ އިންޑިއާ ހިންގާ ޓެލަސްއިން އެއަރ އިންޑިއާވެސް ހިންގާނެއެވެ.
އެއަރ އިންޑިއާ ގަތުމާއެކު ޓާޓާ އިން މިހާރު އިންޑިއާގެ ޑޮމެސްޓިކް ސެކްޓާގެ 25 އިންސައްތަ ކޮންޓްރޯލް ކުރެއެވެ.
އެއަރ އިންޑިއާގެ އެންމެ ފައިދާ ބޮޑު ވިޔަފާރިއަކީ ބޭރުގެ ދަތުރުތަކެވެ. އެއަރ އިންޑިއާއިން 128 އުދުހޭ ބޯޓު މިހާރުވެސް އޮޕަރޭޓް ކުރެއެވެ. ޑޮމެސްޓިކްއާއި އިންޓަރނޭޝަލް ޑެސްޓިނޭޝަން އެއްކޮށްގެން 102 ޑެސްޓިނޭޝަނަށް ދަތުރުތައް ބާއްވައެވެ.
