ޕާކިސްތާންގެ އިގްތިސާދު ރަނގަޅު ކުރުމަށް އިންޓަރނޭޝަނަލް މަނިޓަރީ ފަންޑުން ހުށަހަޅާފައިވާ އިސްލާޙުތައް ތަންފީޒު ކުރުމުގެ ގޮތުން ޕާކިސްތާން ސަރުކާރުން ކަރަންޓްގެ އަގު ބޮޑު ކޮށްފިއެވެ.
ކެބިނެޓްގެ ހުއްދައާއެކު ސަރުކާރުން ވަނީ ކަރަންޓް ޔުނިޓަކުން 1.39 ރުޕީސް ބޮޑުކޮށްފައެވެ. އައު ރޭޓްގައި ބިލް ހަދަން ފަށާނީ ނޮވެމްބަރު މަހުން ފެށިގެންނެވެ.
ޕާކިސްތާން ސަރުކާރުން ކަރަންޓަށް ކުރިން ދިޔައީ ސަބްސިޑީ ދެމުންނެވެ. މިހާރު ވަނީ ސަބްސިޑީ ކަނޑާލާފައެވެ.
ކުރިން ސަރުކާރުން ބުނެފައި ވަނީ ސަބްސިޑީ ކަނޑާ ނުލާނެ ކަމަށެވެ. ނަމަވސް އައިއެމްއެފްގެ ހަ ބިލިއަން ޑޮލަރުގެ ޕްރޮގްރާމު ހުއްޓުމުން ސަރުކާރަށް ސަބްސިޑީ ކަނޑާލަން މަޖުބޫރުވީއެވެ.
