ގަވާއިދާ ހިލާފަށް ހިފައިގެން ގެންގުޅުނު ފްލެމިންގޯ(ގުޑުގުޑާ ދޫނި) އަތުލައިފައިވާ ކަމަށް އެންވަޔަރަންމަންޓަލް ޕްރޮޓެކްޝަން އެޖެންސީ (އީފީއޭ) އިން ބުނެފި އެވެ.
އީޕީއޭ އިން މިއަދު ބުނީ އެ ދޫނި އަތުލައިފައި ވަނީ ހއ. ބާރަށުން ކަމަށެވެ. އަދި މިހާރު އެ ދޫންޏަށް ފަރުވާ ދިނުމަށް ޅ. މާކޯގައި އޮންނަ ކުޅިއަށް ގެންގޮސް ޑޮކްޓަރުންގެ އެހީއާއެކު ފަރުވާ ދެމުންދާ ކަމަށެވެ.
ދޫނި ހުރީ ފިޔަކޮށާފައި ކަމަށާއި އެއްތަނުން އަނެއްތަނަށް ހިޖުރަ ނުކުރެވޭ ހާލުގައި ކަމަށް ވެސް އެ އެޖެންސީން ފާހަގަކުރެ އެވެ.
ރާއްޖެއަށް ހިޖުރަ ކުރި ފްލެމިންގޯ ދޫނިތައް ދާ ޖަހައިގެން ހިފައި އެ ވިއްކަމުންދާ މައްސަލަ ބަލަމުން އަންނަ ކަމަށް އީޕީއޭއިން ވަނީ މިދިޔަ އަންގާރަ ދުވަހު ބުނެފަ އެވެ.
