ޓައިވާނާއެކު ވިލާތު އިއްތިހާދުން ގާތް ގުޅުމެއް ބޭއްވުމަށް ޔޫރަޕްހގެ ޕާލަމެންޓުން ގަރާރެއް ފާސްކޮށްފިއެވެ. 580 ވޯޓުން މި ގަރާރަށް ތާއީދު ލިބިފައިވާއިރު، މި ގަރާރާ ދެކޮޅަށް ވޯޓްލާފައި ވަނީ 26 މެމްބަރެކެވެ.
ޗައިނާއިން ވަނީ ޓައިވާންގެ ޚާރިޖީ ވަޒީރު ޔޫރަޕްގެ ބައެއް ގައުމުތަކަށް ވަޑައިގަތުމަށް ނިންމެވުމުން އެކަމާ ނުރުހުން ފާޅުކޮށްފައެވެ.
ޖޯސެފް ވޫ ވިދާޅުވެފައި ވަނީ ސްލޮވޭކިޔާއާއި ޗެކް ރިޕަބްލިކަށް އޭނާ ޒިޔާރަތް ކުރައްވާނެ ކަމަށެވެ. އަދި ޔޫރަޕްގެ ދަތުރުފުޅުގައި ރޯމް ގައި އޮންނަ ބައްދަލުވުމެއްގައި މަޖާޒީ ގޮތުން ބައިވެރިވެ ވަޑައިގަންނަވާނެ ކަމަށެވެ.
ޔޫރަޕްގެ ޕާލަމެންޓުގެ ނިންމުމާ ބެހޭ ގޮތުން ޓައިވާން ފޮރިން މިނިސްޓްރީން ބުނެފައި ވަނީ ޓައިވާންގެ ސިޔާދަތާ ބެހޭ ގޮތުން އައު މޭލުގަލެއް ހާސިލުކުރެވުނީ ކަމަށެވެ.
ޗައިނާއިން ޓައިވާނަށް އަސްކަރީ ބިރު ދެއްކުމުގެ އައު ސިލްސިލާއެއް ވަނީ ފަށާފައެވެ. އެމެރިކާ ބުނާ ގޮތުން ޓައިވާނަށް އެމެރިކާގެ މަދަދު ލިބޭނެއެވެ. އަދި ޓައިވާނާއި މުހައްލިލުން ލަފާ ކުރާ ގޮތުގައި ޗައިނާއިން ޓައިވާނަށް ހަމަލަ ދޭނީ 2025 ހާ ހިސާބުގައެވެ. މި ހަމަލާގެ މައިގަނޑު މަގްސަދަކަށް ވާނީ ރައީސް ޝީ ޖިންޕިންގެ ބާރުގަދަކަން ދެއްކުމެވެ.
