މި ދުވަސްވަރަކީ ޗައިނާގެ ކުންފުނިތައް އިފްލާސްވެ ދަރިވެރި ވަމުންދާ ދުވަސްވަރެކެވެ. އިމާރާތް ކުރުމާއި ބިމުގެ ވިޔަފާރީގައި އުޅޭ ކުންފުންޏަކުން ދަރަނިވެރި ވެފައވާ ކަމަށް އިއުލާން ކޮށްފައި ވަނިކޮށް، ކޮމްޕިއުޓަރު ޗިޕް އުފައްދާ ކުންފުންޏަކުން ވަނީ ދަރަނި އަދާ ނުކުރެވިފައިވާ ކަމަށް ބުނެފައެވެ.
ޝިންހުއާ ޔުނިގްރޫޕުން ވީވޗެޓްގައި އިއުލާން ކޮށްފައި ވަނީ އެކުންފުންޏަށް 16.9 ބިލިއަން ޑޮލަރާ ގާތް ކުރާ އަދަދެއްގެ ދަރަނި ދައްކަން ޖެހިފައިވާ ކަމަށެވެ. އަދި މި ކުންފުންޏަށް ފައިސާ ލާން ބޭނުންވާ ފަރާތްތަކުން އެކަމަށް ޝައުގުވެރިކަން ފާޅުކުރުމަށްވެސް ވަނީ އެދިފައެވެ.
ޝިންހުއާއިން ޝަރުތުކޮށްފައިވާ ގޮތުގައި އިންވެސްޓް ކުރަން ބޭނުންވާ ފަރާތެއް ނަމަ އެފަރާތެއްގެ އެސެޓްގެ ގޮތުގައި 50 ބިލިއަން ޔުއޭން (ގާތްގަނޑަކަށް 7.8 ބިލިއަން ޑޮލަރު) ހުންނަން ވާނެއެވެ. އަދި މި ކުންފުންޏަކީ، ކްލައުޑް ކޮމްޕިއުޓިންގ ނުވަތަ ޗިޕް އުފެއްދުމުގައި އުޅޭ ފަރާތެއް ކަމުގައިވާން ވާނެ ކަމަށްވެސް ބުނެފައި ވެއެވެ.
1988ގައި އުފެދިގެން އައި ޝިންހުއާ ޔުނިކޯން އިން ވަނީ ޗިޕް އުފެއްދުމުގެ ދާއިރާގައި ވަރަށް ބޮޑަށް އިންވެސްޓް ކޮށްފައެވެ.
ޓައިވާނާއި އެމެރިކާއަކީ ޗިޕް އުފެއްދުމުގެ ދާއިރާގައި އެންމެ ކުރީގައި އުޅޭ ދެ ފަރާތެވެ. އެމެރިކާއިން ވަނީ ޗައިނާއަށް ޗިޕް އުފެއްދުމާ ގުޅޭ ޓެކްނޮލޮޖީ ނުލިބޭ ގޮތަށް ދަތިކުރުމުގެ ފިޔަވަޅުވެސް އަޅާފައެވެ.
