ސޫދާންގެ އިންގިލާބީ ލީޑަރު ޖެނެރަލް އަބްދެލްފައްތާޙް ބުރުހާން ވިދާޅުވާ ގޮތުން އޭނާގެ އިންގިލާބަކީ ސޫދާން އަހުލީ ހަނގުރާމައަކުން ސަލާމަތް ކުރުމަށް ގެނައި އިންގިލާބެކެވެ. އޭނާ ވިދާޅުވީ ސޫދާންގެ ބޮޑު ވަޒީރު އަބްދަﷲ ހަމްދޫކް ވަޑައިގަތީ އޭނާގެ އަހިރު މެހްމާނެއްގެ ގޮތުގައެވެ. އަދި ޙަމްދޫކު ހައްޔަކޮށްފައި ނުވަތަ ކިޑްނެޕްކޮށްފައި ނުވާނެ ކަމަށްވެސް އޭނާ ވިދާޅުވިއެވެ. ރައްކާތެރިކަމާއެކު މިހާރު ހަމްދޫކު ވަނީ ގެއަށް ފޮނުވާފައެވެ.
ސޫދާންގައި މުވާސަލާތީ ގުޅުން ވަނީ ކަނޑާލާފައެވެ. ފިހާރަތައް ވަނީ ބަންދުކޮށްފައެވެ. މީހުން ވަނީ މަގުތަކަށް ނިކުމެފައެވެ.
ދެ ދުވަހުގެ ހަމަނުޖެހުންތަކުގައި ދިހަ މީހުން މަރުވެފައިވާކަމަށް ރިޕޯޓް ކޮށްފައި ވެއެވެ.
ޖެނެރަލް ބުރުހާން ވިދާޅުވާ ގޮތުގައި މަދަނީންގެ ސަރުކާރު ވަނ އުވާލާފައެވެ. ސިޔާސީ ލީޑަރުން ވަނީ ހައްޔަރުކޮށްފައެވެ. ހަމްދޫކު ވަނީ މަގާމުން ދުރުކޮށްފައެވެ.
މަދަނީންގެ ސަރުކާރު އުވާލާފައި ވަނީ ސިފައިންނާ ރައްޔިތުންނާ ޖެއްސުމަށް ސަރުކާރުން މަސައްކަތް ކުރުމުންނެވެ.
ޖެނެރަލް ބުރުހާންގެ އިންގިލާބަށް ދުނިޔޭގެ ގައުމުތަކުން ވަނީ ފާޑުކިޔާފައެވެ. އަދި އިންގިލާބު ބަލައި ނުގަންނާނެ ކަމަށާއި މަދަނީ ސަރުކާރު އަނބުރައި ގެނައުމަށް ވަނީ ގޮވާލާފައެވެ.
