ފޯރބްސް މަޖައްލާއިން ބުނާ ގޮތުން ޓެސްލާ ކުންފުނީގެ ވެރިޔާ އީލޯން މަސްކަކީ ދުނިޔެ ދުވަހަކުވެސް ދެކެފައި ނުވާ ވަރުގެ މުއްސަނދި މަހުޖަނެކެވެ.
ކާރު ކުއްޔަށްދޭ ކުންފުނި ހާރޓްޒް އިން ޓެސްލާގެ އެއްލައްކަ ކާރު ގަތުމަށް އޯޑަރު ދިނުމުން ޓެސްލާގެ ހިއްސާގެ އަގު ވަނީ އުފުލިގެން ގޮސްފައެވެ. މިހާރު ހިއްސާގެ ބާޒާރުގައި ޙިއްސާއެއް ވިއްކަނީ އެއް ހާސް ޑޮލަރަށެވެ.
ފޯރބްސްއިން ބުނާ ގޮތުން މިހާރު މަސްކްގެ މުއްސަނދިކަން ވަނީ 255.2 ބިލިއަން އެމެރިކާ ޑޮލަރަށް އަރާފައެވެ. އެހެންވެ، މިވަރުގެ މުއްސަނދި މީހަކު ދުނިޔޭގައި އުޅެފައި އަދި ނުވާކަމަށް ފޯރބްސްއިން ބުނެއެވެ.
މަސްކުގެ މުއްސަނދިކަން އުޅެނީ ނިސްބަތުން އެމެރިކާގެ އާންމު މީހެއްގެ ފައިސާވެރިކަމާ ބަލާއިރު ދެ މިލިއަން ގުނައަށް މަތީގައެވެ.
ޓެސްލާ ކާރު ގަތުމަށް ހާރޓްޒް ކުންފުނިން ހަތަރު ބިލިއަން ޑޮލަރު ޚަރަދު ކުރާނެއެވެ.
