އިންޑިއާއާއި ޔޫކޭ ސިފައިންގެ އަސްކަރީ ތަމްރީންތައް އަރަބި ކަނޑުގައި ފަށައިފިއެވެ. ކޮންކަން ޝަކްތީ 2021އަކީ ސިފައިން ދެ ބަޔަކަށް ބަހާލައިގެން ކުރިމަތިލާ ދެ ފައުޖެއްގެ ގޮތުގައި، ކަނޑައެޅިފައިވާ ސަރަހައްދަކަށް ސިފައިން ބޭލުމަށް ބާއްވާ ތަމްރީނާ ގުޅޭ އޮޕަރޭޝަނެކެވެ.
މި ތަމްރީންތަކުގެ މަގްސަދަކީ ދެ ފަރާތު ސިފައިންވެސް ގުޅިފައިވާ އަސްކަރީ އޮޕަރޭޝަނެއްގައި އެއްކޮށް މަސައްކަތް ކުރުމުގެ ގާބިލުކަން އިތުރު ކުރުމެވެ.
މިތަމްރީންތަކުގައި މަތިންދާބޯޓާއި ހެކިކޮޕްޓަރުތައްވެސް ބޭނުން ކުރެވެއެވެ.
ދެފަރާތުގެ އޮޕަރޭޝަންތައް އެއްގޮތަކަށް ގެންދިއުމަށްޓަކައި ޚާއްސަ ކޮމާންޑް އޮޕަރޭޝަން ސެންޓަރެއް ގާއިމްކޮށްފައި ވެއެވެ.
މި ތަމްރީންތަކުގެ ބައެއް ރޭގަނޑުވެސް ބާއްވާފައި ވެއެވެ. އަދި މީގައި ސެބްމެރިންތަކާއި ސެބްމެރިންތަކާ ދެކޮޅަށް ބޭނުންކުރާ މަތިންދާބޯޓްތައްވެސް ބޭނުންކޮށްފައި ވެއެވެ.
