ތާލިބާންގެ ސަރުކާރުގެ ރައީސް ހައިބަތުﷲ އަޚުންދުޒާދާ ފުރަތަމަ ފަހަރަށް އާންމުންނަށް ފެނިއްޖެއެވެ. ކަންދަހާރުގައި އޭނާ ވަނީ ދީނީ މަދަރްސާއެއްގައި ކިޔަވާ ކުދިންނާ ބައްދަލުކޮށްފައެވެ. ތާލިބާނުން ސިފަ ކުރިގޮތުގައި އޭނާ ބައްދަލުކުރާ އޭނާގެ ލަޝްކަރިގެ މީހުންނާއެވެ.
އަޚުންދުޒާދާއަކީ 2016ން ފެށިގެން ތާލިބާންގެ ރޫހާނީ ލީޑަރެވެ. އޭނާ އާންމުކޮށް މީހުންނަށް ނުފެނެއެވެ. އޭނާއަކީ މީހުންގެ ތެރެއަށް ނިކުމެ ނޫޅޭ އެހަކެރިކޮށް އުޅޭ މީހެކެވެ.
އަޚުންދުޒާދާއަކީ ތާލިބާނުން ސިފަކުރާ ގޮތުން އަމީރުލްމުއުމިނީންއެވެ. އޭނާ ކަންދަހާރުގައި ބޭއްވި ބައްދަލުވުމުގައި ފޮޓޯއާއި ވީޑިއޯ ނެގުން އޮތީ މަނާކޮށްފައެވެ. ތާލިބާނުން އޮތީ ސަލާމަތީ ފިޔަވަޅު ވަރުގަދަ ކޮށްފައެވެ.
އޭނާގެ ތަގްރީރުގައި ސިޔާސީ ވާހަކައެއް ނުދައްކައެވެ. ނަމަވެސް ތާލިބާނުންނަށް ރަހުމަތް ލެއްވުމަށް އެދި ދުއާ ކުރުން އޮތެވެ.
އަޚުންދުޒާދާއަކީ ތާލިބާންގެ ތިން ވަނަ ލީޑަރެވެ. އޭނާގެ ކުރިން ހުރި މީހާ، މުއްލާ އަޚުތަރު މަންސޫރު ވަނީ އެމެރިކާގެ ޑްރޯން ހަމަލާއެއްގައި 2016 ގައި މަރާލާފައެވެ.
