ޓައިވާނަށް އަރައި ގަނެ ދުނިޔެ ހަލަބޮލި ކޮށްލުމުގެ މަގްސަދުގައި ޗައިނާއިން މަޖާޒީ ގޮތަކަށް އަސްކަރީ ތަމްރީންތައް ބާއްވަމުންދާ ކަމަށް އެމެރިކާގެ ޖޯޖްޓައުން ޔުނިވަރސިޓީގެ ދިރާސާ މަރުކަޒަކުން ބުނެއެވެ. ސެންޓަރ ފޯރ ސެކިއުރިޓީ އެންޑް އިމަރޖިންގ ޓެކްނޮލޮޖީން ބުނާ ގޮތުން ޗައިނާއިން ދަނީ ހަނގުރާމައިގެ އުކުޅުތަކަށް މަޖާޒީ މާހައުލެއްގައި ތަމްރީންތައް ބާއްވަމުންނެވެ.
ޗައިނާގެ ހަނގުރާމަ މަތީ އުކުޅުތަކަށް ބާއްވާ ތަމްރީންތަކާ ބެހޭ ދިރާސާ ކޮށްފައި ވަނީ ޗައިނާއިން މިދިޔަ އަހަރު އިޢުލާންކޮށްގެން ގަނެފައިވާ 350 މަސްނޫއީ ސިކުނޑީގެ އާލާތްތަކާ ބެހޭ ގޮތުން އެ ސެންޓަރުން ހޯދި މައުލޫމާތުން އެކުލަވާލި ދިރާސާއެއްގައެވެ.
ސެންޓަރ ފޯރ ސެކިއުރިޓީ އެންޑް އެމާރޖިންގ ޓެކްނޮލޮޖީ އިން ބުނާ ގޮތުން ޗައިނާއިން ގަނެފައިވާ ސާމާނުތަކަކީ، ކަނޑުއަޑީގެ ހޖަނގުރާމައިގެ ތަމްރީންތަކާ ބެހޭ ސާމާންތަކާއި އެމެރިކާ ސިފައިންނަށް ފާރަލާން ބޭނުން ކުރާފަދަ ސާމާނުތަކާއި ޓައިވާނަށް އަރައިގަނެ ޓައިވާން ހިފަން ބޭނުންކުރާ ފަދަ ޓެކްނޮލޮޖީގެ ވަސީލަތްތަކެވެ.
ޗައިނާގެ ސިފައިންނަށް މިތަކެތި ސަޕްލައި ކޮށްދީފައި ވަނީ ޗައިނާ ކުންފުނިތަކުންނެވެ. މިއިން ބައެއް ކުންފުނިތަކަކީ، ކުދި އަދި މެދުފަންތީގެ ކުންފުނިތަކެވެ. މި އިން ބައެއް ކުންފުނިތަކަކީ އުމުރުން އެންމެ ދިހަ އަހަރު ނުވާ ކުންފުނިތަކެވެ.
ޗައިނާއިން ކުރިއަށް އޮތް ފަސް އަހަރު ތެރޭގައި ޓައިވާނަށް ހަމަލަ ދޭނެކަމަށް މުހައްލިލުން ބުނެއެވެ.
ތައިވާނުން ދަނީ ސްޓްރެޓެޖިކް ވަސީލަތްތައް ގާއިމް ކޮށް ޑިމޮކްރެޓިކް ގައުމުތަކާ ގުޅުން ވަރުގަދަ ކުރަމުންނެވެ.
