ތާލިބާންގެ އިގްތިސާދީ ސިޔާސަތުދާނުން ވަނީ، އަފްޣާނިސްތާންގައި ބޭރު ފައިސާ ބޭނުންކުރުން މަނާކޮށްފައެވެ. ބީބީސީން ރިޕޯޓް ކުރިގޮތުގައި ތާލިބާނުން ބުނެފައި ވަނީ ގައުމުގެ ވިޔަފާރީގައި އަފްޣާނީ ބޭނުން ކުރުމުން ގައުމީ މަސްލަހަތަށް ފައިދާ ކުރާނެ ކަމަށެވެ. އަފްޣާނީ އަކީ އަފްޣާނިސްތާންގެ ފައިސާއެވެ.
އަފްޣާނިސްތާންގެ މާލީ ދާއިރާއަށް ބައިނަލްއަގްވާމީ ތާއީދު ލިބުން ހުއްޓުމުގެ ސަބަބުން އިގްތިސާދު ވަނީ ހީނަރުވެފައެވެ.
އަފްޣާނިސްތާންގެ ބާޒާރުގައި އެމެރިކާ ޑޮލަރު ގިނަ އަދަދަކަށް ބޭނުން ކުރެއެވެ. އަދި އަވަށްޓެރި ޕާކިސްތާނާ އިންވެގެންވާ ބޯޑާ ސަރަހައްދުގައިވެސް އެމެރިކާ ފައިސާ ބޭނުން ކުރެއެވެ.
ޒަބީޙުﷲ މުޖާހިދު ނެރެފައިވާ ބަޔާންގައި ބުނެފައި ވަނީ ސަރުކާރުން އަޅާފައިވާ މިފިޔަވަޅާ ޚިލާފްވާ ފަރާތްތަކާ މެދު ގާނޫނީ ފިޔަވަޅު އަޅާނެ ކަމަށެވެ.
އެމެރިކާ އިން ވަނީ އަފްޣާނިސްތާންގެ ރިޒާވްގެ ބިލިއަން ޑޮލަރު ހިފަހައްޓާފައެވެ. ނަމަވެސް އިންސާނީ އެހީ ދޭނެ ކަމަށާއި އެކަމަކުވެސް ދަތިކުރުމުގެ ފިޔަވަޅުތައް ދަމަހައްޓާނެ ކަމަށް އެމެރިކާ ބުނެއެވެ.
