އިންޑިއާގެ ހައިދަރްއާބާދު ކުންފުނިން އުފައްދާފައިވާ ކޯވެކްސިން ބޭނުންކުރުމަށް ދުނިޔޭގެ ސިއްހަތު ޖަމުއިއްޔާއިން ހުއްދަ ދީފިއެވެ.
ކޯވެކްސިން އަކީ އިންޑިއާގެ ބާރަތު ބައޯޓެކް ކުންފުނީގެ އަމިއްލަ އީޖާދެކެވެ. މިއީ އިންޑިއާގައި މައިގަނޑު ގޮތެއްގައި ބޭނުންކުރާ ދެ ވެކްސިނުން އެއް ވެކްސިނެވެ.
އިންޑިއާގައި ވެކްސިން ލިބިގަންނަ ނިސްބަތް އިތުރު ކުރުމުގެ ގޮތުން އިންޑިއާގެ ބޮޑު ވަޒީރު ވަނީ ދޮރުން ދޮރަށް ހިނގައިގެން ވެކްސިން ޖެހުމުގެ އައު ޕްރޮގްރާމެއް ފެށުމަށް މިއަދު އިއުލާން ކުރައްވާފައެވެ.
ކޮޕް26ގެ ދަތުރުފުޅުން އެނބުރި ވަޑައިގެން ބޮޑު ވަޒީރު މޮދީ ވަނީ ވެކްސިން ޖެހުމުގެ ކަން ގޮސްފައިވާ ގޮތް ބެއްލެވުމަށް ބައްދަލުވުމެއް ބާއްވަވާފައެވެ. އަދި 50 އިންސައްތައަށް ވުރެން ދަށުން ފުރަތަމަ ޑޮޒް ލިބިގެންފައިޥާ ޑިސްޓްކްޓްތަކުގައި ދޮރުން ދޮރަށް ހިނގައިގެން ވެކްސިން ޖެހުމަށް އޭނާ ވަނީ އިރުޝާދު ދެއްވާފައެވެ.
