މަނާކޮށްފައިވާ ޓެރަރިސްޓް ޖަމާއަތުގެ ލިސްޓުން ތަޙްރީކޭ ލައްބައިކަ ޕާޓީއާއި އެޕާޓީގެ ލީޑަރާއި އިތުރު 90 މީހުންގެ ނަން އުނިކުރުމަށް ޕާކިސްތާނު ސަރުކާރުން ހުށަހަޅައިފިއެވެ. ޕާކިސްތާންގެ ޕަންޖާބް ޕްރޮވިންސުގއ ސަރުކާރުން ބުނެފައި ވަނީ ޕާޓީގެ ލީޑަރު ސައުދު ރިޒްވީ އާއެކު 90 މީހުންގެ ނަން އުނިކުރުމަށް ޕާކިސްތާންގެ މަރުކަޒީ ސަރުކާރުން ހުށަހަޅާފައިވާ ކަމަށެވެ.
މިއާއެކު ތަޙްރީކޭ ލައްބައިކަ ޕާޓީ ޓެރަރިސްޓް ޖަމާއަތްތަކުގެ ލިސްޓުންވެސް އުނި ކުރާނެއެވެ.
ޕާކިސްތާންގައި 1997ގައި ފާސްކޮށްފައިވާ އެންޓި ޓެރަރިސްޓް އެކްޓްގެ ދަށުން ތަހްރީކޭ ޕައްބައިކަ ޕާޓީއާއި އެ ޕާޓީގެ ލީޑަރު ސައުދު ރިޒްވީއާއި އިތުރު 90 މީހެއްގެ ބެންކް އެކައުންޓާއި މުދާތައް ވަނީ ސަރުކާރަށް ނަގާފައެވެ. އަދި މިމީހުން ގައުމުން ބޭރަށް ނުދެވޭ ގޮތަށް އެމީހުންގެ ޕާސްޕޯޓްވެސް ވަނީ ހިފަހައްޓާފައެވެ.
ޕަންޖާބު ސަރުކާރުން ވަނީ މިކަންކަން ނިމުމަކަށް ގެނައުމަށް ނިންމާފައެވެ.
