ވޫހާންގައި ކޯވިޑް19 ފެތުރެން ފެށިފަހުން އެންމެ ބޮޑަށް މި ވައިރަސް ޗައިނާގައި ފެތުރެން ފަށާފައި ވަނީ މި ދވަސްވަރުގައެވެ. ޗައިނާގެ ގިނަ ޕްރޮވިންސްތަކަކުން ޑެލްޓާ ވޭރިއެންޓާ ހަނގުރާމަ ކުރަމުންދާ ކަމަށް ބްލޫމްބާގް އިން ރިޕޯޓް ކުރެއެވެ.
ޗައިނާއިން ވަނީ ބަލި ކޮންޓްރޯލު ކުރުމަށް ހަރުދަނާ ފިޔަވަޅުތަކެއްވެސް ތައާރަފް ކޮށްފައެވެ. ޗައިނާގެ 31 ޕްރޮވިންސްގެ ތެރޭން 19 ޕްރޮވިންސެއްގައި 600 މީހަކު ފައްސިވެފައިވާ ކަމަށް ރިޕޯޓް ކޮށްފައި ވެއެވެ. މިމީހުން ފައްސިވެފައި ވަނީ ގައިންގަޔަށް ބަލި އަރައިގެންނެވެ.
މިހާރު ފެތުރެމުންދާ ވައިރަސް އަކީ ތިން މަސްތެރޭ އެންމެ ގިނައިން މީހުން ފައްސިވަމުންދާ ދުވަސްވަރެވެ.
