އިންޑިއާއިން 5ޖީ ޓެކްނޮލޮޖީގައި ސިނާއީ ގައުމުތަކަށް ވުރެން ފަތަރުގައި އުޅޭކަން އިޙުސާސްކޮށް، މުސްތަގްބަލުގެ 6ޖީ ޓެކްނޮލޮޖީ ތަރައްގީ ކޮށް އެ ތެކްނޮލޮޖީގައި އިސް ދައުރެއް އަދާކުރުމަށް މަސައްކަތް ފަށައިފިއެވެ. 6 ޖީ ޓެކްނޮލޮޖީއަކީ 2030ގައި ބޭނުން ކުރަން ފަށާނެ ޓެކްނޮލޮޖީއެވެ.
އިންޑިއާ ސަރުކާރުން ވަނީ މުވާސަލާތީ ޓެކްނޮލޮޖީއާއި ސެލިއުލާ ޓެކްނޮލޮޖީގެ ފަންނީ ފަރާތްތަކާއި ވިޔަފާރި ދާއިރާގެ ފަރާތްތަކާ ގުޅިގެން ކުރިމަގަށް ޗާޓެއް އެކުލަވާލުމަށް މަސައްކަތް ފަށާފައެވެ. މީގައި ރިސާޗް ޑިވެލޮޕްމެންޓާއި މި ބާވަތުގެ ޓެކްނޮލޮޖީގެ މިންގަނޑުތައް ކަނޑައެޅުމާއި އެއަށް އެކަށޭނެ އާލާތްތައް ކަނޑައެޅުމާއި އެކްޗަން ޕްލޭނެއް ހެދުން ހިމެނެއެވެ.
ޗައިނާގެ ވާވޭއާއި ދެކުނު ކޮރެއާގެ ސެމްސުންގއާއި އެލްޖީ އިން މިހާރުވެސް ދަނީ 6ޖީ ޓެކްނޮލޮޖީގެ ދިރާސާތައް ކުރަމުންނެވެ. މިއީ 5ޖީ ޓެކްނޮލޮޖީއަށް ވުރެން އެތައް ގުނެ، ހަލުއި ޓެކްނޮލޮޖީއަށްވާނެ ކަމަށް ބެލެވެއެވެ.
އިންޑިއާއިން އަމއިްލައަށް އުފައްދާފައިވާ 5ޖީ ޓެކްނޮލޮޖީ ދަނީ ޓެސްޓް ކުރެވެމުންނެވެ.
