ޕާކިސްތާންގައި ތަކެތީގެ އަގު ބޮޑުވެގެން ދިއުމާ ގުޅިގެން ބޮޑު ވަޒީރު އިމްރާން ޚާންގެ ސަރުކާރާ ދެކޮޅަށް މުޒާހަރާތައް ބާއްވަން އިދިކޮޅު ފަރާތްތަކުން ނިންމައިފިއެވެ. އިދިކޮޅު އެތައް ޕާޓީއެއް ހިމެނޭ ޕާކިސްތާން ޑޮމޮކްރެޓކް މޫވްމެންޓުން ވަނީ މި މަސް ތެރޭ އެކި ސިޓީތަކުގައި މުޒާހަރާއަށް ނިކުންނާނެކަމަށް އިންޒާރު ދީފައެވެ.
ޑޯން ނޫހުން ޕާކިސްތާން މުސްލިމް ލީފް ނަވާޒްއާ ހަލާދީ ބުނެފައި ވަނީ، ރައްޔިތުންނާ ދެކޮޅުވެރި ސިޔާސަތުތަކެއް ސަރުކާރުން ތައާރަފް ކުރުމުގެ ސަބަބުން ޑިމޮކްރެޓިކް މޫވްމެންޓުން އެކި ސިޓީތަކުން އިސްލާމްއާބާދާ ދިމާއަށް މިސްރާބު ޖަހާނެ ކަމަށެވެ.
ޑިމޮކްރެޓިކް އެލައެންސްގެ ސެކްރެޓެރަރީ ޖެނެރަލް ޝާހިދު ޚާގާން އައްބާސީ ވިދާޅުވެފައި ވަނީ 13 ނޮވެންބަރުގައި ކަރާޗީގައި މުޒާހަރާތައް އޮންނާނެ ކަމަށެވެ. އަދި 17 ނޮވެމްބަރުގައި ކުއެޓާގައި އަދި އެއަށްފަހު 20 ނޮވެމްބަރުގައި ޕީޝާވަރުގައި އޮންނާނެ ކަމަށެވެ. އެންމެ ފަހު މުޒާހަރާތައް އޮންނާނީ ލާހޯރުގައެވެ. ލާހޯރުގެ މުޒާހަރާތައް ނިންމާލާނީ އިސްލާމްއާބާދަށެވެ.
އޭނާ ވިދާޅުވިގޮތުގައި މި މުޒާހަރާތަކަކީ އިމްރާން ޚާން ގެއަށް ފޮނުވާލުމަށް ބާއްވާ މުޒާހަރާތަކެވެ.
