އިންޑިއާގައި އެންމެ ދިގު ޑްރޯން ޕްލައިޓެއް ދުއްވާފައި ވަނީ 51 ކިލޯމީޓަރަށެވެ. އަމިއލް ކުންފުންޏެއް ކަމަށްވާ އޮމްނިޕްރެޒެންޓް ރޯބޮޓް ޓެކްނޮލޮޖީޒް އިން ބުނިގޮތުގައި އެކުންފުނިން ޓެސްޓް ކޮށްފައިވާ ޑްރޯނަކީ އިންޑިއާގައި ލޮލަށް ނުފެންނަހާ ދުރަށް ދަތުރުކުރި އެންމެ ފުރަމަ ޑްރޯނެވެ.
އިންޑިއާގެ އީކޮމާސް ކުންފުނިތަކުގެ ޑެލިވެރީއަށް ޑްރޯން އުފެއދުމުގެ މަސައްކަތުގައި އުޅޭ މިކުންފުނިން ބުނާ ގޮތުން އެކުންފުނީގެ އަމާޒަކީ 100އާއި 200 ކިލޯމީޓަރު ދުރަށް ފޮނުވޭވަރަށް ޑްރޯން ތަރައްގީ ކުރުމަށެވެ.
އަލަށް ޓެސްޓް ކުރި ޑްރޯނަކީ ހައިރިޔާނާއާއި ނިއުދިއްލީއާ ދެމެދު ތެޔޮ ސަޕްލައިކޮށްދޭ ޕައިޕްލައިނެއް ސާވޭ ކުރުމަށް ކުންފުންޏަކަށް އުފައްދާދީފައިވާ ޑްރޯނެކެވެ. މި ޑްރޯނަކީ ހެލިކޮޕްޓަރެއްހެން އުދުއްސައިގަތުމަށްފަހު، މަތިންދާބޯޓެއްހެން މަތީގައި އުދުހޭ އުޅަނދެކެވެ.
އިންޑިއާގައި ޑްރޯން އުފެއްދުމަށް ފަރަންސޭސި ކުންފުންޏަކުންވެސް ވަނީ ޖޮއިންޓް ވެންޗާއެއް ހަދާފައެވެ.
އިންޑިއާގެ ސިވިލް އެވިއޭޝަންގެ ގަވާއިދު ބުނާ ގޮތުން އަދި 400 ފޫޓަށް ވުރެން މަތިން ޑްރޯނަށް ދަތުރެއް ނުކުރެވޭނެއެވެ.
