ތާލިބާންގެ ވެރިކަން ހިންގުމުގެ ނިޒާމު އޮތް ގޮތުން އިންޓަރނޭޝަނަލް މަނިޓަރީ ފަންޑުން އަފްޣާނިސްތާނަށް ފައިސާ ދޭނެކަމަކަށް ނުބެލެވެއެވެ. ތާލިބާނަށް ލިބޭ ބޭރުގެ އެހީތައް ވަނީ ހުއްޓިފައެވެ.
މީގެ އިތުރުން އަފްޣާނިސްތާންގެ ހާލަތު މުރާޖައާ ކުރަމުންދާ ކަމަށްވެސް އައިއެމްއެފުން ވަނީ ބުނެފައެވެ. ވަރލްޑް ބޭންކުން ވަނީ 2002ން ފެށިގެން އަފްޣާނިސްތާންގައި ފަސް ބިލިއަން ޑޮލަރަށް ވުރެން ގިނަ އަދަދެއްގެ މަޝްރޫއުތަކަށް ފައިސާ ދީފައެވެ.
ދުނިޔޭގެ މާލީ ނިޒާމުން ވަނީ އަފްޣާނިސްތާންގެ ރިޒާވްގައި ހުރި ނުވަ ބިލިއަން ޑޮލަރިގެ ފައިސާވެސް ހިފަހައްޓާފައެވެ. އެހެންނަމަވެސް އަފްޣާނިސްތާންގެ އިންސާނީ ހާލަތާ ކުރިމަތި ލުމުގެ ގޮތުން އެމެރިކާ ސަރުކާރުން ވަނީ އަފްޣާނިސްތާނާ ދެކޮޅަށް އަޅާފައިވާ ދަތިކުރުމުގެ ބައެއް ފިޔަވަޅުތަކަށް ލުޔެއް ދީފައެވެ.
