އަފްޣާނިސްތާންގައި ކުޑަކުދިން މީހުންނާ ކައިވެނި ކޮށްދޭ މައްސަލަ ބޮޑު ވެއްޖެއެވެ. ޔުނިސެފުން ބުނާ ގޮތުން އަފްޣާނިސްތާނު މީހުން ފަގީރުވެ، ކާޑަށް ޖެހުމުން މީހުން ދަނީ ޅަ ކުދިންވެސް މީހުންނާ ކައިވެނި ކޮށްދޭން އެއްބަސްވަމުންނެވެ.
ތުލޫޢު ނިއުސްއިން އަފްޣާނިސްތާން ޔުނިސެފް ރެޕް، ހެންރިއެޓާ ފޯއާ ޙަވާލާދީ ބުނެފައި ވަނީ މުސްތަގްބަލުގައި ކައިވެނި ކުރުމަށް އެއްބަސްވެ، އުމުރުން 20 އަހަރުގެ ކުއްޖެއްގެ ޑައުރީ ހޯދާފައިވާ ކަމުގެ ސައްޙަ މައުލޫމާތު ލިބިފައިވާ ކަމަށެވެ.
ޔުނިސެފުގެ ތަފާސްހިސާބުން ދައްކާ ގޮތުން އަފްޣާނިސްތާންގެ އުމުރުން 15 އަހަރާއި 49 އަހަރުގެ މީހުންގެ ތެރޭން 28 އިންސައްތަ މީހުންނަކީ އުމުރުން 18 ވުމުގެ ކުރިން މީހުންނާ އިނދެފައިވާ މީހުންނެވެ.
ޔުނިސެފުން ބުނަނީ ކުރިއަށް އޮތް ފިނި މޫސުމުގައި އިތުރަށް ކާނާ ލިބުމަށް މީހުންނަށް ދަތިވުމުން މިފަދަ ފިޔަވަޅުތައް މީހުން އަޅާނެ ކަމަށް ބެލެވޭ ކަމަށެވެ.
ޔުނިސެފުން ދަނީ މިސްކިތްތަކުގެ އިމާމުންނާއި ދަންނަބޭކަލުން ހޭލުންތެރިކޮށް މިކަން ހުއްޓުވޭތޯ މަސައްކަތް ކުރަމުންނެވެ.
