މަރުހޫމް ކޮޕީ މުހައްމަދު ރަޝީދުގެ ހަނދާނުގައި ތައުޒިޔާގެ ދަފްތަރެއް ހުޅުވައިފިއެވެ.
ދިވެހި ބަހުގެ އެކަޑަމީން ބުނީ މި ދަފުތަރުގައި ސޮއިކުރެއްވުން މިމަހުގެ 30ގެ ނިޔަލަށް ބަންދު ނޫން ކޮންމެ ދުވަހެއްގެ ހެނދުނު 9:00ން މެންދުރު 13:30ށް ކުރިއަށްދާނެ ކަމަށެވެ.
އޭނާ އަވަހާރަވީ ސްޓްރޯކެއް ޖެހިގެން ހޮސްޕިޓަލުގައި ފަރުވާ ދެމުން ދަނިކޮށް މި މަހުގެ 11 ވަނަ ދުވަހުއެވެ.
އޭނާ ވަނީ ތިން ފަހަރެއްގެ މަތިން އާއްމު ހިދުމަތުގެ އިނާމު ހާސިލްކުރައްވައިފަ އެވެ. އެއީ ތަމްސީލް ކުޅުމުގެ ރޮނގުންނާއި އަރަބި، ތާނަ ލިއުމުގެ އިތުރުން ޅެން ހެދުމުގެ ރޮނގުންނެވެ. ގިނަ ވާހަކަތައް ލިއުއްވައި ޅެން ހެއްދެވި ކޮޕީ މުހައްމަދު ރަޝީދުގެ އުފެއްދުންތައް ނޫސް މަޖައްލާތަކުގައި ވެސް ޝާއިއުކޮށްފައިވެ އެވެ.
