ރައީސް އިބްރާހިމް މުހައްމަދު ސޯލިހު، ޕޮލިޓެކްނިކަށް ޒިޔާރަތް ކުރައްވައިފިއެވެ.
ރައީސް އޮފީހުން ބުނީ ރައީސް ސޯލިހު އިއްޔެ ޕޮލިޓެކްނިކަށް ކުރެއްވި ޒިޔާރާތުގައި އެތަނުގެ އިމާރާތް ބައްލަވާ ލައްވާފައިވާ ކަމަށެވެ. އަދި ރައީސް ވަނީ އެތަނުގެ ހިންގާ ކޯސްތަކާ ބެހޭ މައުލޫމާތު އޮޅުން ފިލުއްވާފައިވާ ކަމަށް ރައީސް އޮފީހުން ވަނީ ބުނެފައެވެ.
މި ޒިޔާރާތުގައި ރައީސްގެ އަރިހުގައި ހަޔާ އެޑިއުކޭޝަން މިނިސްޓަރު ޑރ. އިބްރާހިމް ހަސަން ވަޑައިގެންނެވިއެވެ.
ޕޮލިޓެކްނިކުން އަލަށް 15 ކޯހެއް ފެށިއިރު މި މުއްދަތުގައި ޖުމްލަ 574 ދަރިވަރަކު ވަނީ ތަމްރީނު ކޮށްފައެވެ.
މި މުއްދަތުގައި ހާއްސަ އެހީއަށް ބޭނުންވާ މީހުންނަށް ހާއްސަކޮށްގެން 2 ކޯހެއް ދަނީ ހިންގަމުންނެވެ.
މީގެ އިތުރުން މި މުއްދަތުގައި 12 ރަށެއްގައި 32 ޕްރޮގުރާމެއް ހިންގަމުންދާ ކަމަށް ވެސް ޕޮލިޓެކްނިކުން ވަނީ ބުނެފައެވެ.
