ފުލުހުން ތަޙްޤީޤު ކުރަމުންދާ ވައްކަމުގެ މައްސަލައަކާ ގުޅިގެން ދެމީހެއްގެ ވީޑިއޯ ފުލުހުން އާންމުކޮށްފިއެވެ.
ވީޑިއޯއިން ފެންނަނީ އޮކްޓޫބަރު މަހުގެ 3 ވަނަ ދުވަހުގެ ވަގުތެއްގައި ތޫމް ރެސްޓޯރަންޓުގެ ބޭރުގައި ބަހައްޓާފައިހުރި ފިލާތަކެއް ވަގަށް ނަގާފައިވާކަމަށް ފުލުހުންނަށް ހުށަހަޅާފައިވާ މައްސަލައާއި ގުޅުންހުރި ދެ މީހެކެވެ.
މިދެމީހުންނާ ބެހޭ އެއްވެސް މަޢުލޫމާތެއް ލިބިފައިވާނަމަ ފުލުހުންގެ ޖެނެރަލް އިންވެސްޓިގޭޝަން ޑިޕާރޓްމަންޓުގެ ނަންބަރު 9631696 އަށް ގުޅުއްވައި މައުލޫމާތު ހިއްސާކުރުމަށް ފުލުހުންވަނީ އެދިފައެވެ.
