އިންޑިޔާ ސިފައިން ރާއްޖެއިން ފޮނުވާލުމަށް ކުރާ ކެމްޕެއިނަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު އަނެއްކާވެސް ފާޑު ވިދާޅުވެއްޖެ އެވެ.
"އިންޑިއާ އައުޓް" ކެންޕެއިނާ ދެކޮޅަށް ނަޝީދު މިއަދު ވަނީ ޓްވީޓެއް ކުރައްވާފައެވެ. އެ ޓްވީޓްގައި އެމަނިކުފާނު ވިދާޅުވީ "އިންޑިއާ އައުޓް ކަމަށް ނުބުނެވޭނެ" ކަމަށެވެ.
އަދި ދިވެހިރާއްޖޭގައި އޮތް އިންޑިއާގެ ދައުރާއި އަދި އިންޑިއާ ކަނޑުގައި އޮތް ދިވެހިރާއްޖޭގެ ދައުރަކީ ދިވެހީންނަށް އޮޅޭނެ ދައުރެއް ނޫން ކަމަށް އެމަނިކުފާނު ވިދާޅުވިއެވެ.
ނަޝީދު މިހެން ވިދާޅުވެފައި މިވަނީ ކުރީގެ ރައީސް އަބްދުﷲ ޔާމީން އަބްދުލް ގައްޔޫމް އިސްވެ ހުންނަވައިގެން ހިންގާ ހަރަކާތް ފުޅާކުރަމުންދާ ދަނޑިވަޅެއްގަ އެވެ. އެމަނިކުފާނު އިއްޔެ ވަނީ ކ.އަތޮޅުގެ ދެ ރަަށަކަށް ވަޑައިގެން އިންޑިޔާ ސިފައިން ރާއްޖެއިން ބޭލުމަށް ގޮވާލާ މުޒާހަރާކޮށްފަ އެވެ.
