ކިއުބާއަކީ ފަތުރުވެރިކަމަށް ބަރޯސާވާ ގައުމެކެވެ. ކޮވިޑް19އާ ގުޅީގެން ހީނަރުވެގެން ދިޔަ ފަތުރުވެރިކަމުން ކިއުބާއަށްވެސް ބޮޑެތި ގެއްލުންތަކާ ކުރިމަތި ލާން ޖެހުނެވެ.
ކިއުބާއަކީ ކޮވިޑް19އިން ސަލާމަތްވާން ބޭރުގެ އެހީއެއް ނުލިބި މަސައްކަތް ކުރި ގައުމެކެވެ. ކިއުބާގައި 90 އިންސައްތަ މީހުންނަށް ވަނީ އެއް ޑޯޒް ޖަހާފައެވެ. 83 އިންސައްތަ މީހުންނަށް ވަނީ ދެ ޑޯޒް ޖަހާފައެވެ.
މުސްލިމު ނަމެއް ކިޔާ ކިއުބާގެ ވެކްސިން
ކިއުބާއާ އެއްވަރަކަށް މީހުންނަށް ވެކްސިން ދެވިފައިވަނީ މުއްސަނދިންގެ ރާއްޖެކަމަށްވާ ޔޫއޭއީއަށެވެ.
އެމެރިކާ މީހުން ކޮވިޑާ ހެދި ދިރި ނޫޅެވިގެން އުޅޭއިރު ކިއުބާއިން ވަނީ ހާސްކަނޑާލައި ދިރިއުޅެމުންނެވެ. އެމެރިކާއިން ކިއުބާއާ ދެކޮޅަށް އިގްތިސާދީ ހިސާރެއް ގެންގުޅޭތާ ބައިގަރުނު ވާން ކައިރި ވަނީއެވެ.
ދާދިފަހުންވެސް ދުނިޔޭގެ 99 އިންސައްތަ ގައުމުތަކުން އދގެ އާންމު މަޖިލީހުގައި އެމެރިކާ ކުށްވެރިކޮށް ފާސް ކުރި ގަރާރުގައި ބުނެފައިވަނީ އިންސާނިއްޔަތަށްޓަކައިވެސް ސަބަބަކާ ނުލައި އެމެރިކާއިން ކިއުބާއާ ދެކޮޅަށް އަޅާފައިވާ ދަތިކުރުމުގެ އުވައިލާށެވެ.
ކިއުބާގައި ދޭ ވެކްސިނަކީ ކިއުބާގެ ސައިންޓިސްޓުން އަމިއްލައަށް އުފައްދާފައިވާ ވެކްސިނެކެވެ. ކިއުބާގެ އެއް ވެކްސިނަކީ އަބދައްލާ ކިޔާ ވެކްސިނެކެވެ.
