މަޝްހޫރު މީހުންނަށް އިޝްތިހާރުކޮށްދީ އެމީހުންގެ މަގްބޫލުކަން އިތުރު ކުރުމަށް ޗައިނާގެ ޒުވާނުން ކުރަމުން ދިޔަ މަސައްކަތް ޗައިނާ ސަރުކާރުން ވަނީ ހުއްޓުވާފައެވެ.
ޒުވާނުން، ޗައިނާގެ ސެލެބްރިޓީންނަށް މަގްބޫލުކަން ހޯދައި ދިނުމަށް ކުރާ މަސައްކަތުގައި އެމީހުންގެ ނަމުގައި އިޝްތިހާރު ޖަހާފައި ހުންނަ މުޖދާތައް ގަތުން ހިމެނެއެވެ.
ޗައިނާގައި ސެލެބްރިޓީޒް އިޝްތިހާރު ކުރުމުގެ ސަގާފަތަކީ 2019ގައި ފަސް ބިލިއަން ޑޮލަރުގައި އޮތް ވިޔަފާރި ސަގާފަތެކެވެ. 2023އަށް މި ސެލެބްރިޓީ މަގްބޫކޮށްދިނުމަށް މީޙުން ކުރާ ހޭދައަކީ 9 ބިލިއަން ޑޮލަރުގެ ވާނެ ކަމަށް ވެސް ލަފާ ކޮށްފައި ވެއެވެ.
ޗައިނާ ސަރުކާރުން ސެލެބްރިޓީ އިޝްތިހާރު ކުރުމުގެ ސަގާފަތަށް ހުރަސް އެޅީ ކިރު ޕެކެޓް އުފައްދާ ކުންފުންޏަކުން ސެލެބްރިޓީއެއްގެ އިޝްތިހާރު ޖަހައި ކިރު ޕެކެޓެއް އުފެއްދުމުން ނިކުތް ނުރަނގަޅު ނަތީޖާއަކުންނެވެ.
ކިރު ޕެކެޓް އުފެއްދި ކުންފުނިން ބުނީ ޕެކެޓްގެ މަތި ގަނޑުގައިވާ ކިއުއާރް ކޯޑް ސްކޭން ކޮށް ކުންފުންޏަށް ފޮނުވާށެވެ. އަދި އޭގެ މުގާބިލުގައި އެ ސެލެބްރިޓީއެއް ޕްރޮމޯޓް ކުރާ ހިލޭސާބަހުގެ މަސައްކަތަށް އެ ކުންފުނިން ފައިސާ ދޭނެ ކަމަށެވެ. މިގޮތުން ގިނަ ފައިސާ ލިބޭ ސެލެބްރިޓީންނަކީ އެންމެ މަގްބޫލު މީހުންނެވެ.
މި ކިރު ޕެކެޓްގެ މަތިތައް އޮން ލައިންކޮށް ޗައިނާގައި ހަ ޑޮލަރަށް ސަތޭކަ މަތި ގަނޑުގެ ރޭޓުން ވިއްކަން ފެށިއެވެ. އަދި ބައެއް މީސްމީހުން މަތިގަނޑަށްޓަކައި ޕެކެޓް ގަނެފައި ކިރުތައް އެއްލާލާ މަންޒަރުވެސް މީސްމީޑިއާގައި އާންމު ވިއެވެ.
އެއަށްފަހު ސަރުކާރުން ވަނީ ސެލެބްރިޓީގެ މަގްބޫލުކަން ކުޑަ ކުރުމަށް ކެމްޕޭނެއް ފަށާފައެވެ.
މިހާރު މީސްމީޑިއާއާއި ޓީވީގައި ސެލެބްރިޓީ އިޝްތިހާރު ކުރުމަށް ޗައިނާގައި ހަރުކަށި ގައިޑްލައިން ހަދާފައި ވެއެވެ.
