އީރާނާ ދެކޮޅަށް އެމެރިކާއިން އަމިއްލައަށް އަޅާފައިވާ ދަތިކުރުމުގެ ފިޔަވަޅުތަކާ ދެކޮޅުކަން ޗައިނާއިން ފާޑު ކިޔައިފިއެވެ. ޗައިނާއިން ވަނީ އީރާނާއެކު 25 އަހަރުގެ އިގްތިސާދީ އެއްބާރުލުމުގެ އެއްބަސްވުމެއް އެކުލަވާލުމަށް އިއުލާން ކޮށްފައެވެ.
ޖިއާންސޫ ޕްރޮވިންސްގެ ވޫޝީ ސިޓީގައި ޗައިނާގެ ފޮރިން މިނިސްޓަރ ވާންގ ޔީ ވަނީ އީރާންގެ ޚާރިޖީ ވަޒީރު ހުސައިން އާމިރު އަބްދުﷲއާން ބައްދަލު ކުރައްވާފައެވެ.
ވާންގ ޔީ ވަނީ ބޮޑެތި ބާރުތަކާއި އީރާނާ ދެމެދު 2015 ވަނަ އަހަރު އެކުލަވާލި ނިއުކްލިއަރ އެއްބަސްވުން އަލުން ދިރުވުމަށް ކުރަމުންދާ މަސައްކަތްތަކަށް ޗައިނާގެ ތާއީދު އޮތްކަމަށްވެސް ވިދާޅުވެފައެވެ.
ވަންގް އާއި އީރާނުގެ ޚާރިޖީ ވަޒީރު ހުސައިން އާމިރު އަބްދުﷲއާން އާ ދެމެދު ހޮނިހިރު ދުވަހު ބޭއްވި ބައްދަލުވުމުގެ ޚުލާސާއެއް ޗައިނާގެ ޚާރިޖީ ވުޒާރާގެ ވެބްސައިޓްގައި ވަނީ ޝާއިއުކޮށްފައެވެ.
ވަންގް ވިދާޅުވީ، އީރާނަށް މިހާރު ދިމާވެފައިވާ ދަތިތަކުގެ އެންމެ ބޮޑު ޒިންމާއެއް އުފުލަންޖެހޭ ފަރާތަކީ އެމެރިކާކަމަށެވެ. އަދި ބޮޑެތި ބާރުތަކާއި އީރާނާ ދެމެދު 2015 ވަނަ އަހަރު އެކުލަވާލި ނިއުކްލިއަރ އެއްބަސްވުމުން އެކަހެރިގޮތެއްގައި ވަކި ވެގަތީ އެމެރިކާއިން އަމިއްލައަށް ކަމަށެވެ.
2018 ވަނަ އަހަރު އީރާނުގެ ނިއުކްލިޔަރ އެއްބަސްވުމުން ވަކިވުމަށް ފަހު އީރާނުގެ އިޤްތިޞާދަށް ބޮޑެތި ގެއްލުންތަކެއް ދިން ދަތިކުރުމުގެ ފިޔަވަޅުތައް އެމެރިކާއިން އަލުން އަޅާފައި މިވަނީ، އީރާނުގެ ނިއުކްލިޔަރ ޙަރަކާތްތަކާއި، ބެލިސްޓިކް މިސައިލް ޕްރޮގްރާމާއި، ސަރަޙައްދީ ނުފޫޒު ތައް ހުއްޓުވުމަށއެމެރިކާގެ ހަރުކަށި އެއްބަސްވުމުން ނަތީޖާއެއް ނުފެންނަ ކަމަށް ބުނަމުންނެވެ.
އޭގެ އަހަރެއްހާ ދުވަސް ފަހުން އީރާނުން ވަނީ އެ އެއްބަސްވުމާ މަޑުމަޑުން ޚިލާފުވާން ފަށައި، ޔުރޭނިއަމްގެ ސްޓޮކްތައް ފައްކާކޮށް އަލުން މިސައިލާއި ނިއުކްލިއަރ ހަތިޔާރު ބިނާކޮށް ހަދާފައެވެ.
