އީރާނުގެ ހުޅަނގުގެ ބައެއް ސިޓީތަކުގައި އާދީއްތަ ދުވަހުގެ ފަތިހުގެ ވަގުތެއްގައި ބާރުގަދަ ގޮވުންތަކެއްގެ އަޑު އިވުނު ކަމަށް އެ ގައުމުގެ ލޯކަލް ނިއުސް އެޖެންސީތަކާއި މީސްމީޑިއާގެ ފަރާތްތަކުން ބުނެފިއެވެ. ނަމަވެސް، މި ގޮވުންތަކުގެ ހަގީގަތެއް އަދި ސާފެއް ނުވެއެވެ.
ބައެއް ފަރާތްތަކުން ލަފާ ކޮށްފައި ވަނީ މިއީ އީރާނުން ބާއްވާ ވައިގެ ދިފާއީ ތަމްރީންތަކުން ބައެއް ކަމަށެވެ. އީރާނުގެ އަސްކަރިއްޔާއިން ވައިގެ ދިފާއީ ޑްރިލްތައް ބާއްވަމުން ދަނީ އިސްރާއީލާއި އެމެރިކާއާއި ދެމެދު ނުތަނަވަސްކަން އިތުރުވެފައިވާ ދަނޑިވަޅެއްގައެވެ.
ޓްވިޓާގައި އާންމުވެފައިވާ ވީޑިއޯއަކުން ފެންނަ ގޮތުގައި އެންޓި އެއާކްރާފްޓް ބަޑީގެ ހަމަލަތަކުގެ މަންޒަރުތަކެއް ވަނީ ފެނިގެން ގޮސްފަ އެވެ. މިއީ ސައްހަ ވީޑިއޯތަކެއް ކަން ކަށަވަރެއް ނުވެއެވެ.
އީރާނާއި އިސްރާއީލާ ދެމެދު ނުތަނަވަސްކަން އިތުރުވެފައިވާ އިރު، 2015 ވަނަ އަހަރު ދުނިޔޭގެ ބޮޑެތި ބާރުތަކާ އެކު އީރާނުން ވެފައިވާ ނިއުކްލިއާ އެއްބަސްވުމުން ސަލާމަތްކުރުމާ ބެހޭ ގޮތުން ތެހެރާނުން ދަނީ ވޮޝިންޓަނާ އެކު މަޝްވަރާތައް ބާއްވަމުންނެވެ.
އީރާނުގެ ނިއުކްލިއަރ ހަތިޔާރު ނައްތާލުމަށް ޑިޕްލޮމެޓިކް މަސައްކަތްތައް ނާކާމިޔާބު ވާނަމަ، އިޒްރޭލުން އަމިއްލައަށްވެސް ފިޔަވަޅު އަޅާނެ ކަމަށް އިޒްރޭލުން ބުނެއެވެ.
