ތުރުކީވިލާތާއި އަރުމީނިއާގެ ޚާއްޞަ މަންދޫބުން ވަނީ ދެ ޤައުމުގެ ސިޔާސީ އަދި ވިޔަފާރީގެ ގުޅުންތައް ބަދަހި ކުރުމަށް ބޭއްވި ފުރަތަމަ މަޝްވަރާތައް ހުކުރު ދުވަހު މޮސްކޯގައި މަޝްވަރާތައް ބާއްވާފައެވެ.
މި މަޝްވަރާތަކުގެ ސަބަބުން އަރމީނިއާގެ އެކަހެރިކަން ފިލައި ދާނެ ކަމަށް ޔެރަވަން އިން އުންމީދު ކުރާއިރު، އަންކަރާއިން ދެކެނީ އަވަށްޓެރި ގައުމުތަކާ އެކު އިތުބާރު އަލުން ބިނާކޮށް، ހަމަނުޖެހުން އުފެދިދާނެ ކަމުގެ ބިރު ކުޑަކުރުމަށް މަސައްކަތް ކުރެވޭނެ ކަމަށެވެ.
2009ވަނަ އަހަރުގެ ފަހުން ދެ ގައުމުގެ ދެމެދުގައި ފުރަތަމަ ފަހަރަށް ބޭއްވި މިބައްދަލުވުން 90 މިނެޓަށް ދެމިގެން ދިޔައެވެ. އަރްމީނިއާގެ ހާއްސަ މަންދޫބަކީ ޕާލަމެންޓްގެ ނައިބު ރައީސް ރޫބެން ރުބިންޔާން، 31، އެވެ. ތުރުކީގެ މަންދޫބަކީ އުމުރުން 64 އަހަރުގެ ސީނިއާ ޑިޕްލޮމޭޓެއް ކަމަށްވާ އެމެރިކާއަށް ކުރިން ކަނޑައަޅާފައި ހުންނެވި އެމްބަސެޑަރ ސެރްދާރު ކިލިކް އެވެ.
މި ފިޔަވަޅަށް ޔޫރަޕިއަން ޔޫނިއަން (އީޔޫ) އާއި އެމެރިކާ އިން ވެސް ވަނީ މަރުހަބާ ކިޔާފަ އެވެ.
ތުރުކީއާއި އައުމީނިއާ ދެ އަވަށްޓެރިން ކަމުގައި ވީނަމަވެސް ތުރުކީގައި އަރމީނިއާ މީހުންގެ ގަތުލުއާންމެއް ހިންގާފައިވާ ކަމަށް އާރމީނިއާ އިން ބުނެއެވެ. ދެގައުމުގެ ދެމެދުގުޅުން ގާއިމން ކުރެވިފައި ނުވަނީ މި މައްސަލައާ ހެދިއެވެ.
