އެމރިކާގެ ސެނެޓަރު ރޮބަރޓް ކެނެޑީ އަވަހާރަކޮށްލި ފަލަސްތީން މީހާ ޖަލުން މިނިވަން ނުކުރާން ކެލިފޯނިއާގެ ގަވަރުނަރު ނިންމަވައިފިއެވެ.
ރޮބަރޓް ކެނެޑީއަކީ އަވަހާރަކޮށްލާފައިވާ ކުރީގެ ރައީސް ޖޯން އެފް ކެނެޑީގެ ކޮއްކޯފުޅެވެ.
އުމުރުން 77 އަހަރުގެ ސަރްޙާން ބަޝާރާ ސަރްހާން ވަނީ 50 އަހަރު ޖަލުގައި ހޭދަކޮށްފައެވެ. އޭނާ މިނިވަން ކުރުމަށް އެދިފައިވާތީ ކެލިފޯނިއާގެ މަސްއޫލުވެރިން ފަސް މަސް ވަންދެން މިކަމުގައި ބަހުސްކޮށްފައި ވެއެވެ.
މި ހުކުމްގައި ސޮއކުރުމަށް ގަވަރުނަރަށް ފޮނުވުމުން ނިންމަވާފައި ވަނީ ސަރްހާކީ އަދިވެސް މުޖުތަމައަށް ހުރި ނުރައްކަލެއް ކަމުން އޭނާ މިނިވަން ކުރަން ނުފެންނަ ކަމަށެވެ.
ކެނެޑީގެ ހުވަފަތް އަންހެނުންނާއި ދަރިން ބވަނީ ގަވަރުނަރުގެ ނިންމުމަށް މަރުޙަބާ ކިޔާފައެވެ.
ސަރުހާނަކީ ގުދުސްއަށް އުފަން ކެތޮލިކެކެވެ. އޭނާ އެމެރިކާއަށް ހިޖުރަ ކުރީ އުރުދުން މަގުންނެވެ. އޭނާ އަކީ އެމރިކާ ރައްޔިތެކެވެ.
