އިންސާނާގެ ހަށިގަނޑުގައި އުފެދޭ ތަފާތު ވައްތަރުގެ ކެންސަރު ދެނެގަންނަ ޗިޕެއް އުފެއްދުމުން، ސައޫދީ އަންހެން ސައިންޓިސްޓަކު އީޖާދީ މީހުންގެ ލިސްޓްގައި ހިމެނިގެން އިނާމެއް ހޯދައިފިއެވެ. އީޖާދީ ސައިންޓިސްޓް ދާނާ އަލް ސުލައިމާންއަކީ ކިންގް އަބްދުالله ޔުނިވާސިޓީ އޮފް ސައިންސް އެންޑް ޓެކްނޮލޮޖީގެ އެސިސްޓެންޓް ޕްރޮފެސަރެކެވެ. އޭނާއަށް ލިބުނީ އުމުރުން 35 އަހަރުން ދަށުގެ އީޖާދީ ސައިންޓިސްޓުންނަށްދޭ "އިނޮވޭޓާސް އަންޑަރ 35" އެވޯޑު އެވެ.
"އެއީ ހަންގަނޑުގައި ތަތްކޮށްފައި ހުންނަ ކަށިތަކެއްގައި ފޮރުވިފައިވާ މައިކްރޯ މާއްދާއަކުން ހަދާފައިވާ ކުޑަ ޗިޕެއް، އެއީ ލިކުއިޑް އެބްޒޯބް ކުރުމުގެ ގާބިލްކަން ލިބިފައިވާ، އަދި ކެންސަރު ސެލްތައް ފަސޭހައިން ދެނެގަތުމުގެ ގާބިލްކަން ލިބިފައިވާ ޗިޕެއް" ސައުދީ ގެޒެޓްގައި ދާނާއާ ހަވާލާދީ ބުނެފައި އޮތެވެ.
ކިންގ އަބްދަﷲ ޔުނިވަރސިޓީއާ ގުޅުމުގެ ކުރިން ޕްރޮފެސަރ އަލްސުލައިމާން ހުންނެވީ އެމެރިކާގެ އެމްއައިޓީގެ ކެމިކަލް އިންޖިނިއަރިންގ ޑިޕާޓްމަންޓްގައި ޕޯސްޓް ޑޮކްޓަރޭޓް ޕްރޮފެސަރއެއް ގެ މަޤާމުގައެވެ. އޭނާ ވަނީ އިމްޕީރިއަލް ކޮލެޖް އޮފް ލަންޑަން އިން ބަޔޯއިންޖިނިއަރިންގ ގެ ދާއިރާއިން ޕީ.އެޗް.ޑީ ޙާޞިލް ކުރެއްވިއެވެ.
