ޗައިނާގެ އާބާދީ ރެކޯޑް މިންވަރަށް ދަށަށް ގޮސްފައިވާ ކަމަށް ތަފާސްހިސާބުން ދައްކައިފިއެވެ. 2021 ވަނަ އަހަރު ޗައިނާގައި ކޮންމެ 1000 މީހަކަށް 7.52 ކުދިން ވިހައިފައި ވެއެވެ. މިއީ އާބާދީ އިތުރުވުން ރެކޯޑް މިންވަރަކަށް ދަށަށް ގޮސްފައިވާކަން ދައްކައިދޭ އަދަދެއްކަން ނޭޝަނަލް ބިއުރޯ އޮފް ސްޓެޓިސްޓިކްސްގެ ޑޭޓާއިން ދައްކައިފިއެވެ.
ޗައިނާއިން ކުރިން ގެންގުޅެމުން އައި ދެމަފިރިއަކަށް އެއް ދަރީގެ ސިޔާސަތު ވަނީ 2016 ވަނަ އަހަރު އުވާލާފައެވެ. އަދި އޭގެ ބަދަލުގައި ދެމަފިރިއަކަށް ދެ ކުދިންގެ ލިމިޓެއް ބޭއްވުމަށް ނިންމިއެވެ.
ޗައިނާގެ އާބާދީއަކީ ހަލުވިކަމާއެކު މުސްކުޅިވަމުންދާ އާބާދީއެކެވެ. ސަރުކާރުން ގިނަ ކުދިން ހޯދުމަށް ދެމަފިރިންނަށް ހިތްވަރު ދިންނަމަވެސް ގިނަ ދެމަފިރިން ބޭނުންވަނީ އުމްރާނީ ދިރިއުޅުމުގެ އަގުތައް ބޮޑުކަމާއި ދިރިއުޅުމުގެ ފިއްތުންތަކުގެ ސަބަބުން އިތުރު ދަރިން ހޯދަން ބޭނުން ނުވެފައެވެ.
މިއީ 1949 ވަނަ އަހަރުގެ ފަހުން ސްޓެޓިސްޓިކްސް ބިއުރޯއިން ޑޭޓާ އެއްކުރަން ފެށި ހިސާބުން ދަރިން އުފަންވާ ރޭޓް އެންމެ ދަށްވީ އަހަރެވެ.
2021 ވަނަ އަހަރު 10.62 މިލިއަން ކުދިން އުފަންވިއެވެ. 2020 ވަނަ އަހަރު 12 މިލިއަން ކުދިން އުފަންވި ކަމަށް ޑޭޓާއިން ދައްކައެވެ.
