އިންޑިއާގައި ކޮވިޑްގެ ކޭސްތައް އިތުރުވާން ފަށައި، މިހާރު އިންޑިއާގެ މައި ސިޓީތަކުން ކޮވިޑް-19ގެ ކޭސްތައް ވަރަށް ބޮޑަށް ދަށަށް ގޮސްފައި ވާކަމަށް ރިޕޯޓް ކޮށްފިއެވެ. މެއި މަހުގެ ފަހުކޮޅުން ފެށިގެން އެ ގައުމުގައި ކޮވިޑް ކޭސްތައް އިތުރުވަމުން ގޮސްފައި ވެއެވެ. މިހާރު ހޮސްޕިޓަލްގައި އެޑްމިޓްކޮށްގެން ފަރުވާ ދޭން ޖެހޭ މީހުންގެ ރޭޓް ވެސް ވަނީ ދަށްވާން ފަށާފައެވެ.
ޗައިނާގައި ކޮވިޑްގެ ކޭސްތައް ދަނީ އިތުރު ވަމުންނެވެ.
ފެބްރުއަރީ މަހުގެ 1 ވަނަ ދުވަހު ފާހަގަކުރާ ހަނދު އައު އަހަރު ފާހަގަކުރުމުގެ ކުރިން އެތައް މިލިއަން ބަޔަކު ޗައިނާގެ އެކި ހިސާބުތަކަށް ދަތުރުކުރާނެ އެވެ. މިއީ ޗައިނާގައި ކޮވިޑް ފެތުރުމަށް ފުރުސަތު ބޮޑު މުނާސަބާއެކެވެ.
މިހާރުވެސް ޗައިނާގެ ގިނަ ސިޓީތަކެއް ވަނީ ހައި އެލާޓްގައެވެ.
ދުނިޔޭގެ އެކި ކަންކޮޅުތަކުގައި ހަލުވިކަމާއެކު ފެތުރެމުންދާ "އޯމައިކްރޯން ވޭރިއަންޓް" ފެތުރުން ހުއްޓުވުމަށް ދުނިޔޭގެ އެކި ކަންކޮޅުތަކުގެ ސަރުކާރުތަކުންވެސް ދަނީ ހަރުކަށި ފިޔަވަޅުތަކެއް ތަންފީޒު ކުރަމުންނެވެ.
ފިލިޕީންސްގައި ވެކްސިން ނުޖަހާ މީހުންނަށް ޕަބްލިކް ޓްރާންސްޕޯޓް ބޭނުމެއް ނުކުރެވޭނެއެވެ.
އޮސްޓްރިއާގައިވެސް ވެކްސިން ވަނީ މަޖުބޫރުކޮށް ފައެވެ.
އިންޑިއާއިން ވަނީ އިންޑިއާގެ ވެކްސިން ޕްރޮގްރާމަށް އެއް އަހަރު ފުރުން ފާހަގަ ކޮށްފައެވެ. އިންޑިއާއިން މި މުނާސަބާގައި ސްޓޭޕްސެޓެއް ނެރެމުން ބުނެފައި ވަނީ މިއީ ދުނިޔޭގައި އެންމެ ކާމިޔާނު ކަމާއެކު މިހައި ފުޅާކޮށް ހިންގާފައިވާ ވެކްސިން ޕްރޮގްރާމު ކަމަށެވެ.
އިންޑިއާއިން މިދިޔަ އަހަރު ވެކްސިން ޕްރޮގްރާމު ފަށައިގެން މިހާތަނަށް 1.56 ބިލިއަން ވެކްސިން ޑޯޒް ރައްޔިތުންނަށް ދީފައި ވެއެވެ.. އިންޑިއާގެ އާބާދީގެ 93 ޕަސެންޓް މީހުންނަށް ފުރަތަމަ ޑޯޒް ވަނީ ޖަހާފައެވެ. އަދި 70 ޕަސެންޓް މީހުން ވަނީ ދެވަނަ ޑޯޒް ފުރިހަމަ ކޮށްފައެވެ.
