ޕާކިސްތާންގެ ސުޕްރީމް ކޯޓަށް އައްޔަން ކުރާ ފުރަތަމަ އަންހެން ގާޒީއަށް އެގައުމުގެ ޕާލަމެންޓުގެ ޖުޑީޝަރީ ކޮމިޓީން ރުހުން ދީފިއެވެ. ޖަސްޓިސް އާއިޝާ އަބްދުލް މާލިކް އަކީ ލާހޯރު ހައިކޯޓުގައި އިންނަވާ ޖަސްޓިސްއެކެވެ.
ޕާކިސްތާންގެ ސުޕްރީމް ކޯޓަށް އަންހެން ފަނޑިޔާރަކު އައްޔަން ކުރުމަށް މި އީ ދެވަނަފަހަރަށް ކުރެވުނު މަސައްކަތެވެ. މިދިޔަ އަހަރު ކުރި މަސައްކަތުގައި ޖަސްޓިސް އާއިޝާއަށް ޕާކިސްތާން ޖުޑީޝަލް ކޮމިޝަނުން ރުހުމެއް ނުލިބުނެވެ.
ޖަސްޓިސް އާއިޝާއަކީ ލާހޯރު ހައިކޯޓުގެ ހަތަރު ވަނައަށް ސީނިއާ ޖަސްޓިސް އެވެ.
ޖަސްޓިސް އާއިޝާ އަކީ ހަރވަރޑް ލޯ ސްކޫލުގެ ގްރެޖުއޭޓެކެވެ. އޭނާ ލާހޯރު ހައިކޯޓާ ގުޅިވަޑައިގަތީ 2012ގައެވެ.
