ނެދަލެންޑްސްގައި ކޮރޯނާވައިރަސް ފެތުރުން ހުއްޓުވުމަށް ސަރުކާރުން އަޅާފައިވާ ފިޔަވަޅުތަކާ ދެކޮޅަށް ބުދަ ދުވަހު އިހުތިޖާޖު ކޮށްފިއެވެ. މި އިހުތިޖާޖުގައި މިއުޒިއަމްތަކާއި ކޮންސެޓް ހޯލްތައް ވަނީ ވަގުތީ ގޮތުން ބިއުޓީ ސެލޫންތަކާއި ޖިމްތަކަށް ބަދަލުކޮށްފައެވެ.
އެމްސްޓަޑަމްގައި ހުންނަ ވޭން ގޯހް މިއުޒިއަމްގައި އާޓްގެ އަގުނުކުރެވޭ ފަދަ ކުރެހުންތަކުގެ މެދުތެރޭގައި ބޯކޮށާ މީހަކާއި ނިޔަފަތި ކަނޑައިދޭން މީހުން ގޮނޑި ޖަހައިގެން ތިއްބެވެ.
އެމްސްޓަޑަމްގައި ހުންނަ ކޮންސެޓްގޭގެ ސްޓޭޖްމަތީގައި ވެސް ބޯކޮށާދޭން ދެމީހުން ތިއްބެވެ.
ސަގާފީ ދާއިރާގައި ހަރަކާތްތެރިވާ މީހުން ބުނާ ގޮތުގައި މިދިޔަ ހަފުތާގައި ސަރުކާރުން އެޅި ފިޔަވަޅުތަކުގައި އެމީހުން ތަފާތުކޮށްފައިވާ ކަމަށެވެ. މިފިޔަވަޅުތަކުގައި ފިހާރަތަކާއި، ބޯކޮށާ ތަންތަނާއި ކަސްބީ މަސައްކަތުގައި އުޅޭ ފަރާތްތަކަށް ފިހާރަ ހުޅުވަން ހުއްދަ ދީފައި ވެއެވެ.
ނެދަރލެންޑްގެ 70 އެތައް ތަނެއްގައި އިއްޔެ މި ހަޅުތާލު ޖައްސާފައި ވެއެވެ.
