ފަރަންސޭސިވިލާތުގައި ހަމަނުޖެހުން އުފެއްދުމުގައި ބައިވެރިވިކަމަށް ތުހުމަތު ކުރެވިފައިވާ ވެބްސައިޓަކީ މުސްލިމުންގެ ދީނީ މައުލޫމާތު ޝާއިއުކުރާ ވެބްސައިޓެއް ބަންދުކުރުމަށް ފަރަންސޭސި ސަރުކާރުން ނިންމައިފިއެވެ.
ފަރަންސޭސި ސަރުކާރުން ބުނެފައި ވަނީ މި ދެ ވެބްސައިޓަކީވެސް ފަރަންސޭސިން ގަބޫލުކުރާ ހަމަތަކާ ޚިލާފް ވާހަކަތައް ދައްކާ ވެބްސައިޓްތަކެއް ކަމަށެވެ.
މިއިން އެއް ވެބްސައިތަކީ، ދާދި ފަހުން ހަމަނުޖެހުން ހިނގި، ނަންޓްސް ސިޓީގައި ހައްދުފަހަނައަޅާފައިވާ ހަރުކަށި ފިކުރު ފެތުރުމަށް މައުލޫމާތު ދިން ވެބްސައިޓެއް ކަމަށް ދާޚިލީ ވަޒިރު ވިދާަޅުވިއެވެ.
އަނެއް ވެބްސައިޓަކީ އިސްލާމީ މައުލޫމާތު ޝާއިއުކުރާ ވެބްސައިޓް ލަ ވޮއި ޑްރޮއާ (އައްސިރާތުލް މުސްތަޤީމް) އެވެ.
ފަރަންސޭސި ސަރުކާރުން ދަނީ ޖަމިއްޔާތައް ނުވަތަ ޖަމާއަތްތައް ބަންދުކުރުމަށް ބާރުދޭ ގާނޫނުގެ ބޭނުން މިފަހަކަށް އައިސް ގިނައިން ހިފަމުންދާ ތަން ފެނެއެވެ. މިދިޔަ ދެ އަހަރުގެ ތެރޭގައި މިފަދަ 12 ވެބްސައިޓެއް ވަނީ ބަންދުކޮށްފައެވެ.
ފަރަންސޭސި ގާނޫނު އޮންނަ ގޮތުން އެސޯސިއޭޝަނެއް ނުވަތަ ވެބްސައިޓެއް އުވާލުމުގެ ކުރިން، ދާޚިލީ ވުޒާރާއިން ކަމާބެހޭ ފަރާތަކަށް އެކަން އަ ންގަން ޖެހެއެވެ. އަދި އެފަރާތަކުން އެކަމަށް ޖަވާބުދާރީ ވުމަށް 15 ދުވަހުގެ މުއްދަތެއް ލިބޭނެއެވެ. އއަދި އެތަނެއް އުވާލުމުން އެ މައްސަލަ، ކޯޓަށް ހުށަހެޅިދާނެއެވެ.
