އެމެރިކާގެ އިޤްތިޞާދު އެންމެ ބާރަށް ކުރިއަރާފައި ވަނީ މިދިޔަ އަހަރުއެވެ. މިއީ، ކުރީގެ ރައީސް ރޮނަލްޑް ރޭގަންގެ ވެރިކަމުގައި އައި އިގްތިސާދީ ދިރުމަށްފަހު އެމެރިކާއަށް އިގްތިސާދީ ތަރައްގީ އައި ފުރަތަމަ ފަހަރެވެ.
2021 ވަނަ އަހަރު އެމެރިކާގެ ޤައުމީ އުފެއްދުންތެރިކަމުގެ ނިސްބަތް ވަނީ %5.7 އަށް އިތުރުވެފައެވެ. މިފަދަ ދިރުމެއް އެމެރިކާގެ އިގްތިސާދުން ތަޖުރިބާ ކޮށްފައި ވަނީ 1984 ވަނަ އަހަރު، ރޭގަންގެ ވެރިކަމުގައި 7.2 އިންސައްތައިގެ ކުރިއެރުމެއް ލިބުނު ފަހަރެވެ. އެމެރިކާއިން އަހަރު ނިންމާލީ އޮކްޓޯބަރު މަހުން ފެށިގެން ޑިސެމްބަރު މަހުގެ ނިޔަލަށް 6.9 އިންސައްތައިގެ ކުރިއެރުމެއް ގައެވެ.
ގިނަ އިކޮނޮމިސްޓުން ވަނީ މިހާރު ހިނގަމުންދާ ޖަނަވަރީ-މާޗްގެ މިއަހަރުގެ ފުރަތަމަ ކުއާޓާގެ އަންދާޒާތައް ޑައުންގްރޭޑް ކޮށްފައެވެ. ލަފާ ކުރެވޭ ގޮތުގައި އޯމައިކްރޯން ވޭރިއަންޓުގެ އަސަރު އެމެރިކާގެ އިގްތިސާދަށް ކުރާނެއެވެ. އަދި 2022 ވަނަ އަހަރު އެމެރިކާގެ ޖީޑީޕީ ކުރިއަރާ މިންވަރު %4 އަށް މަޑުޖެހޭނެކަމަށް އިންޓަރނޭޝަނަލް މަނިޓަރީ ފަންޑުން ވެސް ވަނީ ލަފާކޮށްފައެވެ.
އެމެރިކާގެ އިޤްތިޞާދު އެންމެ ބާރަށް ތަރައްގީ ކޮށްދޭ ހަކަތައަކީ، ކޮންސިއުމަރ ސްޕެންޑިންގ އެވެ. އެމެރިކާގެ ގިނަ ވިޔަފާރިތައް، ޚާއްސަކޮށް ރެސްޓޯރަންޓްތަކާއި، ބާރތަކާއި، ހޮޓާތަކާއި، މުނިފޫހިފިލުވުމުގެ ތަންތަން އަދިވެސް އޮތީ އޯމައިކްރޯން ވޭރިއަންޓްގެ ސަބަބުން ވަޅުޖެހިފައެވެ. މީހުން ބޭރަށް ނިކުމެ އުޅުމުން ބވަނީ ދުރުހެލިވެފައެވެ.
އެމެރިކާގެ ފެޑެރަލް ރިޒާވް އިން ބުނާ ގޮތުން އިންޓްރެސްޓް ރޭޓްތައް މިއަހަރުގެ ތެރޭގައި އެތައް ގުނައަށް ބޮޑު ކުރުމަށް ރާވާފައި ވެއެވެ. އިންޓަރެސްޓް ރޭޓްތައް އިތުރު ކުރުމުގެ ސަބަބުން މިއަހަރު އިތުރަށް އިގްތިސާދުގެ ދުވެލި މަޑުޖެހި، އިންޓަރެސްޓް ރޭޓްތައް މަތިވާން ދިމާވެކަމަށްވެސް ބެލެވިފައި ވެއެވެ.
މިދިޔަ އަހަރު އިގްތިސާދީ ދުވެއްޔަށް ދިރުމެއް އައިސްފައި ވަނީ ކޮންސިއުމާ ސްޕެންޑިންގ 7.9 ޕަސެންޓަށް އިތުރުވެ، އަދި އަމިއްލަ ފަރާތްތަކުން އިންވެސްޓް ކުރި މިންވަރު 9.5 ޕަސެންޓަށް އިތރުރު ވުމުންނެވެ.
