ޗައިނާގެ އޭވިއޭޝަން އިންޑަސްޓްރީއާ ގުޅިފައިވާ ކްރިކެޓަށް ލޯބިކުރާ ޗައިނާގެ ރޮކެޓް ސައިންޓިސްޓެއް، އަގު ނުކުރެވޭފަދަ ސިއްރު މައުލޫމާތާއެކު ހުޅަނގަށް ފިލައިގެން ހިނގައްޖެއެވެ. ފިލައިގެން ދިޔަ ސައިންޓިސްޓް ގެންދިޔަ ރޮކެޓް ސައިންސް މައުލޫމާތުގައި ހިމެނެނީ، ޗައިނާއިން އެންމެ ފަހުން ކާމިޔާބު ކަމާއެކު ތަރައްގީ ކުރި ދުނިޔޭގެ އެންމެ ބާރުގަދަ ހަތިޔާރުގެ މައުލޫމާތެވެ.
މި ސައިންޓިސްޓް ގެންދިޔަ މައުލޫމާތަކީ، އަޑަށް ވުރެން ބާރަށް ދަތުރުކުރާ ދުނިޔޭގެ ކޮންމެ ތަނަކަށްވެސް ހަމަލަ ދިނުމުގެ ކުޅަދާނަކަން ލިބިފައިވާ ހައިޕަސޮނިކް ގްލައިޑް ވެހިކަލްގެ ސިއްރުތަކެވެ.
އިނގިރޭސިވިލާތުގެ އެކްސްޕެސް ނޫހުން ބުނިގޮތުގައި މި މައުލޫމާތުގެ އަލީގައި އެމެރިކާއާއި އިނގިރޭސިވިލާތަށް މި ބާވަތުގެ ހަތިޔާރު އަވަސް ގޮތަކަށް ތަރައްގީ ކުރުމަށް ފުރުސަތު ފަހުވެގެންދާނެއެވެ. އަދި ޗައިނާއިން އަމިއްލަ ޑިޒައިނަށް ބަދަލެއް ގެންނަން މަސައްކަތް ކުރާނަމަ، އެކަމެއްވެސް ޗައިނާއަށް ކާމިޔާބު ވާނީ ޒަމާން ގަނޑަކަށް ފަހުއެވެ.
މި ސައިންޓިސްޓަކީ ރޮކެޓް ޓެކްނީޝަންއެއް ކަމަށް ބެލެވެއެވެ. އޭނާއަކީ، ޗައިނާގެ ސަރުކާރުގެ އެވިއޭޝަން އިންޑަސްޓްރޯ ކޯ ގައި މަސައްކަތް ކުރި މީހެކެވެ. އަދި އަޑަށް ބުރެން ބާރަށް ދަތުރުކުރާ ޚާއްސަ ރޮކެޓް ތަރައްގީ ކުރުމުގައި އުޅުނު މީހެކެވެ. މި ރޮކެޓަކީ، ބިރު ބޮޑު ޑީއެފް17 މިސައިލް އުދުއްސާލާ ރޮކެޓެކެވެ.
އުމުރުން 30 ގެ އަހަރުތަކުގައި އުޅޭ މި ސައިންސްޓިސްތް ވަނީ، ދުނިޔޭގެ ޖައްވުގައި އެނބުރުމަށްފަހު، ތިރިއަށް ފައިބައި، އޭގައި ހިމެނޭ ފިނި ހޫނު ބަލައިގަންނަ ސެންސަރުގެ ބާރުގައި ދުނިޔޭގެ ކޮންމެ ހިސާބެއްގައި ހުންނަ އަމާޒުފަތްގަނޑެއްވެސް ހޯދައި ހަމަލަ ދޭ ޒާތުގެ މިސައިލް ޓެކްނޮލޮޖީ ތަރައްގީ ކުރުމުގައި ބައިވެރިވެފައެވެ.
ހުޅަނގަށް ފިލައިގެން ދިޔަ މީހާއަކީ އިންގްލެންޑްގައި ކިޔަވާފައިވާ މީހެކެވެ، އޭނާއާ ސީއައިއޭއާއި އެމްއައި5 ގެ ޖާސޫސީ އެޖެންޓުން ހަވާލުވެފައި ވަނީ ހިންގކޮންގއިންނެވެ. އެމީހުން ވަނީ މިމީހާއާއި މިމީހާގެ އާއިލާ ހޮންގކޮންގއިން އެމެރިކާއަށް ގެންގޮސްފައެވެ. އޭނާ އެމެރިކާއަށް ގެންގޮސްފައި ވަނީ ހޮންގކޮންގއިން ޖަރމާނީގައި ހުންނަ އެމެރިކާގެ ބޭސްއަށް ގެންގޮސް އެތަނުން އިނގިރޭސިވިލާތުން އެމެރިކާއަށެވެ.
