އަމިއްލަ ސަޕޯޓަރުން ކުރިމަތީގައި ވާދަވެރި އިރާޤް 0-1 އިން ބަލިކޮށް، މިއަހަރު ނޮވެމްބަރު މަހު ޤަތަރުގައި ފެށުމަށް ހަމަޖެހިފައިވާ ފީފާ ވޯލްޑް ކަޕަށް އޭޝިޔާ ބައްރުން ކޮލިފައިވި ފުރަތަމަ ޤައުމަކަށް އިރާން ވެއްޖެއެވެ.
އިރާންގެ ވެރިރަށް ތެހްރާންގެ މަޝްހޫރު އަޒާދީ ސްޓޭޑިއަމްގައި ކުޅުނު މިމެޗުގައި ވޯލްޑް ކަޕަށް އިރާން ކޮލިފައި ކޮށްދިން ލަނޑު ދެވަނަ ހާފް ފަށައިގެން ދެވަނަ މިނެޓުގައި ކާމިޔާބު ކޮށްދިނީ ޕޯޗުގަލްގެ ޕޯޓޯއަށް ކުޅެމުން އަންނަ ފޯވާޑް މެހްދީ ޓެރެމީއެވެ.
އިރާން ވޯލްޑް ކަޕަށް ކޮލިފައިވިއިރު މިގްރޫޕް (ގްރޫޕް އޭ) ގެ ދެވަނަ ގައުމުގެ ގޮތުގައި ވޯލްޑް ކަޕުން ޖާގަ ހޯދުން ކައިރީ ދެކުނު ކޮރެއާއެވެ. ސައުތު ކޮރެއާ ދެވަނައިގައި އޮތީ 17 ޕޮއިންޓާއެކުއެވެ. ތިންވައިގައި އޮތް ޔޫއޭއީއަށް ލިބިފައި ވަނީ 9 ޕޮއިންޓެވެ،.
ކޮވިޑުގެ ސަބަބުންކަމަށް ބުނެ މިމެޗަށް އިރާނުން ޓިކެޓް ވިއްކީ އޮންލައިން ކޮށެވެ. އެކަމަކު ޓިކެޓް ވިއްކުމަށް ހެދި އޮންލައިން ޕްލެޓްފޯމް ޑައުންވުމާއި ގުޅިގެން ގިނަ އަދަދެއްގެ ޓިކެޓް ނުވިކި ހުރި ކަމަށް މީޑިޔާ ރިޕޯޓުތައް ބުނެއެވެ. މީގެ ސަބަބުން ގިނަބަޔަކަށް ޓިކެޓް ހޯދުމުގައި އޮޅުންތައް އަރައި ދަނޑު ކައިރީގައި އިހްތިޖާޖް ކޮށްފައިވެއެވެ. މީގެ ތެރޭގައި މެޗް ބެލުމަށް އިރާގުން އިރާނަށް އެތެރެވި ސަޕޯޓަރުންވެސް ހިމެނެއެވެ. މިމެޗަށް އިރާނުން ވިއްކީ 10،000 ޓިކެޓެވެ. މީގެ ތެރެއިން 2000 ޓިކެޓް ވިއްކީ އަންހެން ސަޕޯޓަރުންނަށެވެ.
އޭޝިޔާ ޒޯނުގެ ވޯލްޑް ކަޕް ކޮލިފައިން ކުރިއަށް ގެންދަނީ 2 ގްރޫޕަކަށް ބަހާލައިގެންނެވެ. ކޮންމެ ގްރޫޕެއްގައި 6 ގައުމު ހިމެނޭއިރު ވޯލްޑް ކަޕަށް ކޮލިފައިވާނީ ކޮންމެ ގްރޫޕަކުންވެސް އެންމެ ގިނަ ޕޮއިންޓް ހޯދާ ދެގައުމެވެ. ކޮންމެ ގްރޫޕަކުންވެސް ތިންވަނައަށްދާ ގައުމަށް ޕްލޭއޯފް ކުޅުމަށް ފުރުސަތު ލިބޭނެއެވެ.
ރާއްޖެ މިހާރު އޮތީ ކޮލިފައިވެފަތޯ؟