ސަޢޫދީ ޢަރަބިއްޔާގެ މިނިސްޓްރީ އޮފް އެންވަޔަރަންމަންޓް، ވޯޓަރ އެންޑް އެގްރިކަލްޗަރއިން ވަނީ، އެކި ހިސާބުހިސާބުގައި ފަޅުވެފައިވާ ވަޅުތައް އެމިނިސްޓްރީއަށް ރިޕޯޓް ކުރުމަށް ގޮވާލާފައެވެ.
އެ މިނިސްޓްރީން ބުނީ ފަޅުވެފައިވާ ވަޅުތަކުގެ ރިޕޯޓް އެ މިނިސްޓްރީއަށް ލިބުމުން، އެ ސަރަހައްދުގެ މަސްއޫލުވެރިން އެ ސައިޓަށް ޒިޔާރަތްކޮށް، ރައްޔިތުންގެ ސަލާމަތާއި ރައްކާތެރިކަން ކަށަވަރުކުރުމަށް ފިޔަވަޅުތައް އަޅާނެ ކަމަށެވެ.
ސަޢޫދީ ޢަރަބިއްޔާގެ ހުރިހާ ސަރަޙައްދެއްގައި ފަޅުވެފައިވާ 2450 ވަޅު ހުރިކަމަށް ބުނެއެވެ. ސަރުކާރުން ދަނީ ފެންފަށަލަ ތަޣައްޔަރު ވިޔަ ނުދިނުމަށްޓަކައި އެތަންތަން މަތިޖެހުމަށް ނުވަތަ ފަސް އެޅުމަށް މަސައްކަތް ކުރަމުންނެވެ.
ސައޫދީ އަރަބިއްޔާގެ މީހުން އަމިއަށްވަނީ ފަޅުވެފައިވާ ވަޅުތައް ރިޕޯޓުގެ ކުރުމުގެ ކެންޕޭނެއް ޓްވިޓާގައި ފަށައިފައެވެ. މީހުން ބުނެފައި ވަނީ، "ރަޔާން" ހާދިސާއެއް އެހެން ތަނެއްގައި ތަކުރާރު ވިޔަ ނުދިނުމަށްޓަކައި، ވަކި ވަކި ފަރުދުންގެ ފުރާނައަށް ނުރައްކާ ވެދާނެ ފަދަ އެއްވެސް ވަޅެއް ނުވަތަ ހާމައަށް އޮތް ވަޅުގަނޑެއް ހުރިކަން އެނގޭނަމަ، އެކަމަށް ޚާއްސަކޮށްފައިވާ 939 ނަމްބަރަށް ގުޅުމަށެވެ.
