އިންޑިއާގެ ކުޑަކުދިންނަށް ވެކްސިން ދިނުމުގެ ޔުނިވާސަލް އިމިއުނައިޒޭޝަން ޕްރޮގްރާމް (ޔޫއައިޕީ) މެދުވެރިކޮށް އިންޑިއާއިން ދަނީ އަހަރަކު 30 މިލިއަނަށްވުރެ ގިނަ މާބަނޑު އަންހެނުންނާއި 26 މިލިއަން ކުޑަކުދިން ކަވަރު ކުރާގޮތަށް ދުނިޔޭގެ އެންމެ ބޮޑު ވެކްސިން ޕްރޮގްރާމް ތަންފީޒު ކުރަމުން ކަމަށެވެ.
ހޯމަ ދުވަހު އިފްތިތާހުކުރި ޔޫއައިޕީ ޕްރޮގްރާމު ތިން ބުރު ކުރިއަށް ގެންދިއުމަށް ހަމަޖެހިފައިވެއެވެ. މި ޕްރޮގްރާމުގައި ވެކްސިން ދޭން ހަމަޖެހިފައިވަނީ ކަނޑައެޅިފައިވާ ތާރީޚުތަކުގައި ބަހާލެވިފައިވާ ސަރަހައްދުތަކުގައެވެ.
މިހާރު ތާވަލު ކަނޑައަޅާފައިވާ ގޮތުން 2022ގެ މެއި މަހުގެ ނިޔަލަށް މި ޕްރޮގްރާމު ފުރިހަމަ ވާނެއެވެ.
